Քաղաքական12:25, 18 Հոկտեմբեր 2019
Թուրքիայի արտգործնախարար. «Բանակցություններում մենք ստացանք մեր ուզածը»
Հոկտեմբերի 17-ին թուրք-ամերիկյան բանակցությունների արդյունքում Սիրիայում 120 ժամով կրակի դադարեցման պայմանավորվածություն է ձեռք բերել: Բանակցությունների ավարտից հետո թուրք-ամերիկյան պայմանավորվածության մասին մեկնաբանություններ է արել Թուրքիայի արտգործնախարար Մևլութ Չավուշօղլուն:
«Ռազմական օպերացիան ժամանակավորապես դադարեցրել ենք,որպեսզի 120 ժամվա ընթացքում PKK-ի և YPG-ի ուժերը դուրս գան այնտեղից: Սա հրադադար չէ, բայց ահաբեկչական տարրերի (նկատի ունի քուրդ զինյալներին-խմբ.) դուրս գալուց հետո դադարեցնելու ենք գործողությունը»:
PKK - «Քուրդիստանի բանվորական կուսակցություն»
YPG - «Ժողովրդի պաշտպանության ուժեր»
Չավուշօղլուն նաև տեղեկացրել է, որ ամերիկյան կողմի հետ պայմանավորվել են YPG-ի ձեռքից ծանր զինատեխնիկան վերցնելու, դիրքերն ու ամրությունները ոչնչացնելու վերաբերյալ:
«Այսօրվա բանակցություններում մեր հարգելի նախագահի ողջախոհ առաջնորդությամբ ստացանք մեր ուզածը: Եփրատից արևելք մինչև Իրաքի սահման 32կմ խորությամբ և 444 կմ երկարությամբ գոտում ոչ մի ահաբեկչի չմնալը և այդ ամբողջ տարածքում անվտանգության գոտի հիմնելը մեզ համար շատ կարևոր է»,- ասել է թուրք նախարարը:
Չավուշօղլուի տեղեկացմամբ՝ այս պայմանավորվածությամբ նախատեսվում է, որ ԱՄՆ-ն այլևս պատժամիջոցներ չի սահմանելու Թուրքիայի դեմ:
«Կրակի դադարեցումը դեռ չի նշանակում մեր զորքերի կամ այնտեղ ունեցած մեր ուժերի դուրսբերում: Մենք այնտեղ ենք ու շարունակելու ենք մնալ այնտեղ»,- եզրափակել է Չավուշօղլուն:
Այս ենթաբաժնի վերջին նորությունները
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Գերմանիայի նախագահ Ֆրանկ-Վալտեր Շթայնմայերի Թուրքիայի կատարած այցը մեծ արձագանք է գտել գերմանական մամուլում:
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |