«Հիմար մի՛ եղեք». հրապարակվել է Թրամփի նամակը Էրդողանին

Քաղաքական12:45, 17 Հոկտեմբեր 2019

«Հիմար մի՛ եղեք». հրապարակվել է Թրամփի նամակը Էրդողանին

Լրատվամիջոցներում հրապարակվել է ԱՄՆ-ի նախագահ Դոնալդ Թրամփի՝ Թուրքիայի նախագահ Ռեջեփ Թայիփ Էրդողանին ուղղված նամակը: Սկանդալային ձևակերպումներ պարունակող նամակը հրապարակվել է Սպիտակ տան հետ մերձավոր կապերով հայտնի ամերիկյան «Fox Tv» հեռուստաընկերության հաղորդավարներից Թրիշ Ռեյգանը:

Նամակը գրվել է հոկտեմբերի 9-ին՝ Թուրքիայի կողմից Սիրիայի հյուսիսում քրդերի դեմ «Խաղաղության ակունք» գործողությունը սկսելու օրը:

Նամակում Թրամփն Էրդողանին կոչ է արել չլինել համառ, չլինել հիմար ու բանակցել Սիրիայի քրդական ուժերի հրամանատարներից Ֆերհադ Աբդի Շահինի հետ, ով ամերիկյան զորքերի շրջանում հայտնի է գեներալ Մազլում Քոբանի անունով:

Նամակի հայերեն տարբերակը ներկայացնում ենք ստորև.

«Հարգելի նախագահ

Եկեք լավ պայմանավորվածություն ձեռք բերենք: Դուք չեք ցանկանա դառնալ հազարավոր մարդկանց սպանության պատասխանատուն, ես էլ չեմ ցանկանում ոչնչացնել Թուրքիայի տնտեսությունը, որը ես կարող եմ անել: Թե ինչ կարող եմ անել այդ ուղղությամբ ցույց եմ տվել հոգևորական Բրանսոնի հետ կապված դեպքերի ժամանակ, ինչը փոքրիկ օրինակ էր:

Ես Ձեր որոշ խնդիրները լուծելու համար շատ ջանք եմ գործադրել: Աշխարհին մի հիասթափեցրեք: Դուք կարող եք լավ համաձայնություն ձեռք բերել: Գեներալ Մազլումը ցանկանում է Ձեզ հետ բանակցել. պատրաստ է լուրջ զիջումներ անել, որոնք նախկինում երբեք չէր անի: Ձեզ եմ ուղարկում նրա՝ ինձ գրած նամակի պատճենը, որը ես նոր եմ ստացել: Եթե Դուք սա իրականացնեք ճիշտ և մարդկային ձևով, պատմությունը Ձեզ դրական լույսի ներքո կհիշի: Եթե լավ բաներ տեղի չունենան, պատմությունը ձեզ հավերժ որպես սատանա կհիշի: Մի՛ համառեք: Հիմար մի՛ եղեք:

Ավելի ուշ Ձեզ կզանգեմ

Հարգանքներով՝ Դոնալդ Թրամփ»:

Թուրքական մամուլում հայտնված հրապարակումներում նշվում է, որ Թրամփի նշած քուրդ հրամանատարը Թուրքիայում ահաբեկչական համարվող «Քուրդիստանի բանվորական կուսակցություն» (PKK-ՔԲԿ) ռազմաքաղաքական կազմակերպության անդամ է և հայտնի է ՔԲԿ-ի հիմնադիր առաջնորդ Աբդուլլահ Օջալանի հետ ունեցած մտերմությամբ:

Թուրքական լրատվամիջոցի հաղորդմամբ՝ Օջալանի կողմից իր հոգեզավակ անվանված Գեներալ Մազլում Քոբանի անունով Ֆերհաթ Աբդի Շահինը Թուրքիայի կողմից որոնում է որպես խիստ վտանգավոր ահաբեկիչ:

Աղբյուր` Ermenihaber.am

Այս ենթաբաժնի վերջին նորությունները

11:32, 02 մայ

Էրդողանը Ստամբուլում կմասնակցի մի շարք միջոցառումների

Միջոցառումները վերաբերում են էներգետիկ ոլորտին։

16:12, 30 ապր

Հունաստանի վարչապետը մայիսին կմեկնի Թուրքիա

Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։

13:03, 30 ապր

Թուրքիայի ու Իտալիայի ռազմարդյունաբերական ընկերությունների միջև պայմանագիր է կնքվել

Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Հունաստանի վարչապետը մայիսին կմեկնի Թուրքիա

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: