Տարածաշրջան13:54, 14 Հոկտեմբեր 2019
Սիրիայի բանակը մտել է Տաբկա քաղաք
Թուրքիան արդեն 6-րդ օրն է «Խաղաղության ակունք» ռազմագործողությունն է իրականացնում Սիրիայի հյուսիս-արևելքում:
Թուրքական աղբյուրի փոխանցմամբ` սիրիական բանակը մտել է Տաբկայի շրջան, որը վերահսկվում էր Սիրիայի դեմոկրատական ուժերի կողմից: Տաբկա քաղաքը գտնվում է Ռաքքայի արևմուտքում:
Նշվում է, որ Ասադի ուժերը հոկտեմբերի 13-ի երեկոյան սկսել են շարժվել դեպի երկրի հյուսիսային շրջաններ:
Սիրիական «Al Mayadeen» հեռուստաալիքը հայտնում է, որ Սիրիայի կառավարությունը դեռևս պաշտոնական հայտարարություն չի արել այդ կապակցությամբ:
Իսկ սիրիական «SANA» լրատվական գործակալությունը հաղորդում է, որ Սիրիայի բանակը թուրքական ներխուժումը կանխելու համար զորք է տեղակայում Թուրքիայի հետ սահմանին գտնվող Թել Թամեր շրջանում:
Հիշեցնենք, որ Սիրիայի հյուսիսարևելյան շրջանների ինքնավար վարչությունը հոկտեմբերի 13-ին, հայտարարել էր, որ պայմանավորվածություն է ձեռք բերել սիրիական իշխանությունների հետ՝ սիրիական բանակը թուրք-սիրիական սահմանի երկայնքով դիրքավորելու հարցում, որպեսզի կարողանան դիմակայել թուրքական զինուժի և թուրքամետ խմբավորումների հարվածներին:
Քրդերի դեմ «խաղաղության ակունք» ռազմագործողությունը մեկնարկել է հոկտեմբերի 9-ին։ Թուրքական զինուժի ներխուժումը Սիրիա տեղի ունեցավ այն ժամանակ, երբ ամերիկյան զինված ստորաբաժանումները լքեցին Եփրատ գետի արևելյան հատվածը։ Արդեն մի շարք երկրներ, այդ թվում Հայաստանը, դատապարտել են Թուրքիայի գործողությունները Սիրիայի հյուսիսում։
Այս ենթաբաժնի վերջին նորությունները
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Թուրքիայի արևելյան Թոքաթ նահանգում 3-րդ երկրաշարժն է գրանցվել 1 օրում: Կան ավերածություններ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |