Քաղաքական17:57, 07 Հոկտեմբեր 2019
ԵՄ-ն Թուրքիային կոչ է արել զերծ մնալ Սիրիայում ռազմական ճանապարհով հարցեր լուծելուց
Թուրքիայի կողմից Սիրիայում հյուսիսում՝ Եփրատի արևելք ընկած սահմանային գոտում, իրականացվելիք ռազմական գործողությունների ֆոնին Եվրամիությունն Անկարային կոչ է արել զերծ մնալ ռազմական ճանապարհով հարցեր լուծելուց:
Հրավիրած մամուլի ասուլիսի ժամանակ թեմային անդրադարձած ԵՄ խոսնակ Մայա Կոսիյանչիչն ասել է. «Եվրամիությունը, հասկանալով հանդերձ Թուրքիայի օրինական անվտանգային մտահոգությունները, հայտարարում է, որ սիրիական ճգնաժամը պետք է լուծվի ոչ թե ռազմակայն, այլ քաղաքական ճանապարհով»:
Ըստ ԵՄ-ի պաշտոնյայի՝ Սիրիայի հյուսիսարևելքում բռնկվելիք ռազմական գործողությունները վնաս կհասցնեն ոչ միայն տեղի խաղաղ բնակչությանը, այլև ԵՄ-ի աջակցությամբ այնտեղ իրակացվող քաղաքացիական նախաձեռնություններին:
«Մենք Աստանայի ձևաչափի երաշխավոր երկրներին, որոնց թվում է նաև Թուրքիան, ևս մեկ անգամ կոչ ենք անում բախումները դադարեցնելու ուղղությամբ ավելի շատ նախաձեռնություններ ցուցաբերել, ավելացնել աշխատանքները քաղաքացիական բնակչության անվտանգության և հումանիտար օգնության մուտքի հասանելիության ապահովման համար».-ասել է Կոսիյանչիչը:
Անդրադառնալով Թուրքիայի այն հայտարարություններին, թե ռազմական գործողություններից հետո սիրիացի փախստականները պետք է բնակեցվեն այդ տարածքներում, ասել է. «Մենք կարծում ենք, որ առանց Սիրիայում քաղաքական լուծում ապահովելու անհնար է փախստականներին հետ ուղարկելու համար պայմաններ ստեղծել»:
Վերջում Կոսիյանչիչը տեղեկացրել է, որ Սիրիայի խնդիրը քննարկվելու է նաև հաջորդ շաբաթ տեղի ունենալիք արտաքին հարաբերությունների հանձնաժողովի նիստի ժամանակ:
Հիշեցնենք, որ նախօրեին տեղի ունեցած Էրդողան-Թրամփ հեռախոսազրույցից հետո հայտնի էր դարձել, որ ամերիկյան զինված ստորաբաժանումները լքում են Սիրիայի Եփրատ գետի արևելյան հատվածը, որտեղ Թուրքիան առաջիկայում պատրաստվում է ռազմագործողություններ սկսել քրդերի դեմ։
Այս ենթաբաժնի վերջին նորությունները
ԱՄՆ պետքարտուղարության խոսնակ Մեթյու Միլլերը անդրադարձել է Թուրքիայի կողմից Իսրայելի առևտրաշրջանառության լիովին դադարեցմանը։
Զրուցակիցներն անդրադարձել են միջնորդների կողմից Գազայի հատվածում իշխող խմբավորմանը տրված հրադադարի առաջարկին, որը վերջինիս կողմից ընդունվել է:
Մայիսի 6-ին Գազայի Ռեֆահ Քաղաքի ուղղությամբ իսրայելական օդուժի հարձակումներից հետո հարյուրավոր մարդիկ իրենց բողոքն են արտահայտել:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքական մեդիայում տարածվող լուրերի համաձայն՝ իշխող ուժի և ազգայնականների առաջնորդների միջև տարաձայնություն կա։
Արտահանումն իրականացվում է Թուրքիայի կողմից Իսրայելի հետ առևտուրը կասեցնելու մասին որոշմանը ֆոնին:
Հատկանշական է, որ աշխարհահռչակ պոլսահայ լուսանկարիչ-լրագրողի արխիվներից Գումգափուի հետ կապված նկարներն առաջին անգամ են հանվում ցուցադրության:
Քուվեյթի քաղաքացիներն 1-ին տեղն են զբաղեցնում Թուրքիայում ամենաշատ անշարժ գույք գնող օտարերկրացիների շարքում։
«Metropoll Araştırma» կենտրոնը ուսումնասիրել է, թե Թուրքիայում 2023-ի մայիսին անցկացված համապետական ընտրությունների մասնակիցները 2024-ի ՏԻՄ ընտրություններում ում են ձայն տվել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |