Քաղաքական17:57, 19 Սեպտեմբեր 2019
Reuters. «ԱՄՆ-ն Թուրքիայի դեմ պատժամիջոցներ կիրառելու մտադրություն չունի»
Հանրահայտ «Reuters» լրատվական գործակալությունն անդրադարձել է այս պահին ԱՄՆ-ի կողմից Թուրքիայի դեմ պատժամիջոցներ կիրառելու հավանականությանը:
«Ռուսական S-400 ՀՕՊ համակարգերը գնելու համար ԱՄՆ-ն Թուրքիայի դեմ պատժամիջոցներ կիրառելու մտադրություն չունի»,- ըստ թուրքական լրատվամիջոցների՝ գրել է բրիտանական գործակալությունը: Հոդվածում հղում է արվել նաև մի անանուն թուրք բարձրաստիճան պաշտոնյայի, ով ասել է, որ այնպիսի տպավորություն չունի, թե ԱՄՆ-ն ցանկանում է Թուրքիայի դեմ պատժամիջոցներ կիրառել:
«Թրամփը հասկացել է, թե ինչու ենք մենք ստիպված եղել (նկատի ունի, որ Օբամայի օրոք ԱՄՆ ղեկավարությունը հրաժարվել է Թուրքիային վաճառել ամերիկյան «Patriot» ՀՕՊ համակարգերը-խմբ.) գնել ռուսական S-400-ները»,- ասել է թուրք բարձրաստիճան պաշտոնյան՝ ավելացնելով, որ վերջին շրջանում ԱՄՆ-ի նախագահն ավելի ըմբռնումով է մոտենում Անկարայի դիրքորոշմանը:
Անվան գաղտնիության պայմանով հարցազրույց տված թուրք պաշտոնյայի տեղեկացմամբ՝ ԱՄՆ-ի կողմից Թուրքիայի դեմ պատժամիջոցներ կիրառելը կհակասի նաև առևտրաշրջանառությունը 100 մլրդ դոլարի հասցնելու մասին 2 երկրների վերջին պայմանավորվածությանը:
Հոդվածում նշվում է, որ նախորդ շաբաթ ԱՄՆ-ի ֆինանսների նախարարը Թրամփի կառավարության սեղանին է դրել Թուրքիայի դեմ պատժամիջոցների փաթեթը, սակայն նախագահն այդ հարցով այդպես էլ որոշում չի կայացրել:
«Հայտնի է, որ Թրամփը խուսափում է Թուրքիայի նկատմամբ CAATSA օրենքով (պատժամիջոցների միջոցով Ամերիկայի հակառակորդներին հակազդելու մասին օրենք) պատժամիջոցներ կիրառելուց: Սակայն ԱՄՆ-ի նախագահը, այնուամենայնիվ, հավանություն էր տվել F-35 կործանիչների արտադրության նախագծին Թուրքիայի մասնակցության կասեցմանը»,- ասվում է հոդվածում:
Վերջում մեջբերվում է անվտանգության փորձագետ Աբդուլլահ Աղարի միտքն առ այն, որ Թուրքիայի դեմ կիրառվելիք հնարավոր նոր պատժամիջոցը Անկարային մի քայլով ևս կմոտեցնի Ռուսաստանին ու նոր դաշինքներ ստեղծելու պատճառ կդառնա:
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Ռումինիայի պաշտպանության նախարար Իոնուտ Մոստեանուն կոչ է արել Ռումինիայի, Բուլղարիայի և Թուրքիայի միջև ստեղծված ականազերծման գործադիր խմբի լիազորությունները ընդլայնել:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |