Քաղաքական12:29, 11 Սեպտեմբեր 2019
Սոցհարցում. Թուրքիայում նվազել է նախագահական համակարգը սատարողների թիվը
Թուրքիայի գլխավոր ընդդիմադիր ուժ համարվող քեմալականների «Ժողովրդահանրապետական կուսակցությունը» (CHP-ԺՀԿ) հարցում է անցկացրել՝ պարզելու, թե բնակչության քանի տոկոսն է սատարում նախագահական համակարգը: Սոցհարցման արդյունքները ցույց են տվել, որ ընդհանուր մասնակիցների 37 տոկոսը աջակցություն է հայտնել պետական կառավարման նախագահական համակարգին:
Միջանկյալ նշենք, որ Թուրքիայում 2017թ. ապրիլի 16-ին կայացած սահմանադրական հանրաքվեով երկիրը նախկին խորհրդարանական կառավարման մոդելից անցում կատարեց նախագահական համակարգի: Իսկ 2018թ. հունիսի 24-ին տեղի ունեցած արտահերթ նախագահական ընտրություններում նախագահ ընտրվեց իշխող ուժի` «Արդարություն և զարգացում» կուսակցության առաջադրած թեկնածու Ռեջեփ Թայիփ Էրդողանը:
Սոցհարցման մասնակիցների 54 տոկոսն անօգուտ և անարդյունավետ է համարել նախագահական կառավարման համակարգին անցում կատարելը:
Նշվում է, որ հունիսի 24-ի ընտրություններում AKP-ի օգտին քվեարկածների միայն 78 տոկոսն է արդյունավետ համարում նախագահական համակարգը:
Թուրքիայի աջակողմյան և «Գորշ գայլեր» ծայրահեղական խմբավորման քաղաքական թևը համարվող «Ազգայնական շարժում» կուսակցությանը քվեարկածների 64.1 տոկոսն ապարդյուն է համարել այդ նոր համակարգը:
Սոցհարցման մասնակիցների 53.8 տոկոսն այն հարցին, թե ներկայիս նախագահական համարգը պիտի մնա՞, թե՞ կարիք կա անցնել խորհրդարանական կառավարման համակարգի, պատասխանել են, որ անհրաժեշտ է անցնել խորհրդարանական համակարգի: Իսկ 41.4 տոկոսն էլ հայտն է հակառակ դիրքորոշում:
CHP-ի ընտրազանգվածի 89.7 տոկոսը, ազգայնական, ընդդիմադիր «Լավ» (IYI) կուսակցության 84.4 տոկոսը և քրդամետ «Ժողովուրդների դեմոկրատական կուսակցության» (HDP-ԺԴԿ) 93.4 տոկոսը, ընդդիմադիր «Երջանկություն» կուսակցության (SP) 42.9 տոկոսը գտնում են, որ երկիրը պետք է անցնի նախկին խորհրդարանական կառավարման համակարգին:
Այս ենթաբաժնի վերջին նորությունները
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Գերմանիայի նախագահ Ֆրանկ-Վալտեր Շթայնմայերի Թուրքիայի կատարած այցը մեծ արձագանք է գտել գերմանական մամուլում:
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |