Քաղաքական13:41, 10 Սեպտեմբեր 2019
Ալի Բաբաջան. «Նոր կուսակցությունը ցանկանում ենք հիմնել մինչև 2020թ.»
Թուրքիայի նախկին արտգործնախարար Ալի Բաբաջանն իշխող «Արդարություն և զարգացում» կուսակցության (AKP-ԱԶԿ) շարքերը լքելուց հետո առաջին անգամ նոր կուսակցության ստեղծման մասին մանրամասներ է ներկայացրել, ինչպես նաև խոսել է Թուրքիայի համար օրակարգային մի շարք հարցերից:
Թուրքական «Karar» պարբերականին տված հարցազրույցում խոսելով ԱԶԿ-ից դուրս գալու և նոր կուսակցություն հիմնելու հիմնական պատճառների մասին՝ նա նշել է, որ ԱԶԿ-ն հեռացել է իր հիմնական սկզբունքներից: Իսկ այդ սկզբունքային հարցերը կապված են արդարադատություն հաստատելու, գործն արհեստավարժ մասնագետներին վստահելու, որոշումները խորհրդակցությամբ ընդունելու, հաստատությունների հեղինակությունը պաշտպանելու և թափանցիկություն ապահովելու հետ: Ըստ Բաբաջանի՝ հենց այս սկզբունքներից հեռանալն է Թուրքիայի ներկայիս վիճակի և առաջացած խնդիրների հիմնական պատճառը:
Նախկին արտգործնախարարը, կուսակցության հիմնադրման ժամկետներին անդրադառնալով, նշել է, որ ցանկություն կա մինչև 2020թ. կուսակցությունը պաշտոնապես գրանցել, իսկ մինչ այդ մեծ խմբով աշխատում են քաղաքական շրջանակների հետ և այդ խմբով փորձում ձևավորել կուսակցության տեսլականը:
Բաբաջանը խոսել է կուսակցաստեղծման աշխատանքներում Թուրքիայի նախկին նախագահ Աբդուլլահ Գյուլի ներգրավվածության և նախկին վարչապետ Ահմեթ Դավութօղլուի հետ հնարավոր համագործակցության մասին:
Նշենք, որ Գյուլը թուրքական մամուլում ներկայացվում է որպես նոր կուսակցության հիմնական ճարտարապետ, իսկ Դավութօղլուի շուրջ խոսակցությունները մերթ նրան կապում են Բաբաջան-Գյուլ երկյակի հետ, մերթ գրում են առանձին կուսակցություն բացելու մտադրությունների մասին: Բաբաջանը հստակություն է մտցրել նաև այս հարցերում:
Նախ նախագահ Գյուլի ներգրավվածության մասին խոսելիս նա նշել է, որ նախկին նախագահն ամբողջապես աջակցում է իրենց, նրա հետ ամսվա մեջ մեկ կամ երկու անգամ հանդիպում է լինում փորձի փոխանակման նպատակով: Բաբաջանի խոսքերով՝ Գյուլը նախագահի պաշտոնից հեռանալիս հայտարարել էր, որ ակտիվ քաղաքականություն չի վերադառնալու և ճիշտ չի համարում «չեզոք նախագահի պաշտոնից» հետո ներգրավվել կուսակցական գործունեության մեջ:
Անդրադառնալով Դավութօղլուի հարցին՝ Բաբաջանը նշել է, որ քաղաքականության մեջ իրենց առաջնահերությունները, մեթոդները և ոճերը տարբեր են:
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Ռումինիայի պաշտպանության նախարար Իոնուտ Մոստեանուն կոչ է արել Ռումինիայի, Բուլղարիայի և Թուրքիայի միջև ստեղծված ականազերծման գործադիր խմբի լիազորությունները ընդլայնել:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |