Քաղաքական11:43, 04 Սեպտեմբեր 2019
Բեյրութում Թուրքիայի դեսպանին կանչել են Լիբանանի ԱԳՆ
Լիբանանի անկախության տոնի առիթով այդ երկրի նախագահ Միշել Աունի սեպտեմբերի մեկին արած գրառումը լարվածության պատճառ է դարձել Անկարայի ու Բեյրութի միջև: Օսմանյան կասրության վերաբերյալ ևս հիշատակումներ պարունակող գրառումը բուռն արձագանք է առաջացրել Թուրքիայում տարբեր մակարդակներով Լիբանանի նախագահի հասցեին հնչող սուր քննադատությունների տեսքով:
Թուրքական կողմի կոշտ հռետորաբանությունը անհանգստացրել է լիբանանյան կողմին, ինչի համար Բեյրութում Թուրքիայի արտակարգ և լիազոր դեսպան Հաքան Չաքըլը կանչվել է Լիբանանի ԱԳՆ:
ԱԳՆ-ում Թուրքիայի դեսպանին բողոք են հայտնել Օսմանյան շրջանի վերաբերյալ նախագահ Աունի խոսքերին թուրքական կողմի արձագանքի հետ կապված: Լիբանի ԱԳՆ-ում թուրք դեսպանին ակնարկել են, որ եթե Թուրքիան չուղղի իր սխալը, դրանից կարող են տուժել 2 երկրների հարաբերությունները:
«Սխալ ընկալումը կանխելու, 2 երկրների միջև առկա շատ լավ հարաբերությունները պահպանելու և դրանց փչանալուց խուսափելու նպատակով թուրքական կողմից ուղիղ խոսքով պահանջել ենք ուղղել սխալը»,- թեմայի վերաբերյալ արած հայտարարության մեջ ասել է Լիբանանի ԱԳՆ-ի քաղաքական ու հյուպատոսական գործերի դեպարտամենտի ղեկավար Հադի Հուրին:
Հիշեցնենք, որ Լիբանանի նախագահը «Մեծ Լիբանանի Հանրապետության» հիմնադրման օրվա կապակցությամբ գրել էր.
«Առաջին աշխարհամարտի տարիներին լիբանանցիների նկատմամբ օսմանցիների կիրառած պետական ահաբեկչությունը, հարստահարությունները, ինչպես նաև սովի մատնելու քաղաքականությունը հարյուր հազարավոր զոհերի պատճառ դարձան։ Առաջին աշխարհամարտի ավարտով և օսմանցիների պարտությամբ, ինչպես նաև ֆրանսիական ազդեցության տարածմամբ մեր պատմության մեջ սկսվեց նոր դարաշրջան»։
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |