Քաղաքական12:52, 03 Սեպտեմբեր 2019
Թուրքիայի նախկին վարչապետ Դավութօղլուին իշխող կուսակցությունից հեռացնելու պահանջ է դրվել
Սեպտեմբերի 2-ին Թուրքիայի նախագահ Ռեջեփ Թայիփ Էրդողանի նախագահությամբ տեղի է ունեցել Թուրքիայի իշխող «Արդարություն և զարգացում» կուսակցության (ԱԶԿ-AKP) կենտրոնական գործադիր խորհրդի նիստը:
Ըստ հրապարակման՝ նիստի ընթացքում որոշվել է «ԱԶԿ-ի ներքին կանոնադրությանը հակասող հայտարարությունների և կեցվածքի» համար նախկին վարչապետ Ահմեթ Դավութօղլուին, Ս. Օզդաղին, Ա. Սեֆեր Ուսթունին և Ա. Բաշջըին կուսակցությունից հեռացնելու պահանջ ներկայացնել կուսակցության կարգապահական խորհրդին: Նշվել է, որ պահանջի մասին որոշումն ընդունվել է միաձայն:
Կուսակցության անդամներին կուսակցությունից հեռացնելու ընթացակարգի համաձայն՝ ԱԶԿ-ի գործադիր խորհրդի պահանջը պետք է ուղարկվի ԱԶԿ-ի կարգապահական խորհրդին: Վերջինիս նախագահը նիստ պիտի գումարի, որի ընթացքում կուսակցության այն անդամներից, որոնց նկատմամբ հեռացնելու որոշում է կայացվել, պահանջվելու է բանավոր և գրավոր բացատրություն ներկայացնել: Կարգապահական խորհրդի՝ բանավոր և գրավոր բացատրություն ներկայացնելու պահանջը որոշակի ժամանակում չբավարարելու դեպքում նրանց անդամակցությունը ինքնաբերաբար կդադարի:
Նշենք, որ թուրքական մամուլում վերջին շրջանում հայտնվող հրապարակումներում Դավութօղլուի անունը կապվում է նոր հիմնվելիք կուսակցության հետ: Ըստ շրջանառվող լուրերի՝ նոր կուսակցության հիմնադիրների շարքում բացի Դավութօղլոից լինելու են Թուրքիայի 11-րդ նախագահ Աբդուլլահ Գյուլն ու նախկին արտգործնախարար Ալի Բաբաջանը:
Այս ենթաբաժնի վերջին նորությունները
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Հայաստանի վարչապետը Ստամբուլում կհանդիպի Թուրքիայի նախագահի հետ։
Նուման Քուրթուլմուշի հետ Բրյուսելում են եղել նաև ՆԱՏՕ-ի Խորհրդարանական վեհաժողովի թուրքական պատվիրակության ղեկավար Մևլութ Չավուշօղլուն։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |