Քաղաքական10:33, 30 Օգոստոս 2019
Թուրքիայում նախկին նախարարները հերքել են իշխող կուսակցությունից դուրս գալու մասին լուրերը
Թուրքիայի գիտության, արդյունաբերության և տեխնոլոգինարերի նախկին նախարար Նիհաթ Էրգյունը և կրթության նախկին նախարար Հուսեին Չելիքը հերքել են իշխող «Արդարություն և զարգացում» կուսակցությունից (AKP-ԱԶԿ) դուրս գալու մասին լուրերը:
Նշենք, որ վերջին շրջանում թուրքական մամուլում լուրեր են տարածվում այս կամ այն բարձրաստիճան նախկին պաշտոնյաի` իշխող կուսակցության շարքերը լքելու և նոր ստեղծվելիք կուսակցությանն ադամակցելու մասին:
Աղբյուրի փոխանցմամբ` Նիհաթ Էրգյունը հերքել է նաև այն լուրը, որ պաշտոն է զբաղեցնելու Թուրքիայի 11-րդ նախագահ Աբդուլլահ Գյուլի և նախկին արտգործնախարար Ալի Բաբաջանի կողմից ստեղծվելիք կուսակցությունում:
«Նրանք, ովքեր պնդում են, թե դուրս եմ եկել կուսակցությունից, կարող են ճշգրիտ տեղեկություն ստանալ հենց կուսակցությունից (խմբ.` AKP)»,-ասել է նախկին նախարարը:
Կրթության նախկին նախարար Հուսեին Չելիքը ևս հայտնել է, որ իր կողմից կուսակցական շարքերը լքելու մասին լուրերը չեն համապատասխանում իրականությանը:
Պնդումներ կան, որ AKP-ից դուրս գալու որոշում է ընդունել նաև նախկին փոխվարչապետ Բեշիր Աթալայը, սակայն վերջինս դեռևս մեկնաբանությամբ հանդես չի եկել:
Հիշեցնենք, որ հուլիսի 8-ին Թուրքիայի նախկին փոխվարչապետ և արտգործնախարար Ալի Բաբաջանը պաշտոնապես հայտարարել էր իշխող «Արդարություն և զարգացում» կուսակցությունից (AKP-ԱԶԿ) դուրս գալու և նոր կուսակցություն հիմնելու մասին: Բաբաջանը հիմնավորման մեջ նշել էր, որ «գաղափարապես» և «հոգեպես» հեռացել է կուսակցությունից, ինչպես նաև ընդգծել, որ Թուրքիայի համար անհրաժեշտ է ապագայի բոլորովին նոր տեսլական: Նախկին փոխվարչապետին հաջորդեց նաև արդարադատության նախկին նախարար Սադուլլահ Էրգինը:
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |