Քաղաքական15:42, 27 Օգոստոս 2019
Քեմալական գործիչը ֆաշիզմ է որակել քուրդ քաղաքապետների պաշտոնանկությունը
Թուրքիայի գլխավոր ընդդիմադիր, քեմալական «Ժողովրդահանրապետական» կուսակցությունը (CHP-ԺՀԿ) շարունակում է քննադատել թուրքական իշխանությունների կողմից ընդունված Վանի, Մարդինի և Դիարբեքիրի քուրդ քաղաքապետների պաշտոնանկության որոշումը:
Այս անգամ CHP-ի Գեբզեյի շրջանային կառույցի ղեկավար Մուսա Յըլմազը Թուրքիայի ընդդիմադիր, քրդամետ «Ժողովուրդների դեմոկրատական» կուսակցության (HDP-ԺԴԿ) շրջանային կառույցի դիմաց ունեցած ելույթում հետևյալն է արձանագրել.
«HDP-ն մեր եղբայրական կուսակցությունն է: Յուրաքանչյուր պահի պատրաստ ենք նրանց կողքին լինելու և սատարելու: Այսուհետ կրկին հավաքվելու ենք ժողովրդավար ուժերի բոլոր միջոցառումներին»:
Քեմալական գործիչը Դիարբեքիրի, Վանի և Մարդինի քաղաքապետներին ժամանակավոր պաշտոնակատարներով փոխարինելու որոշումը ֆաշիզմ է որակել և հավելել, որ աջակցելու են պաշտոնանկ քաղաքապետներին:
Յըլմազը նշել է, որ իրենց կուսակցությունը և քրդամետ HDP-ն հեղափոխական ուժեր են:
Քեմալական գործչի խոսքերը խիստ քննադատության են արժանացել Թուրքիայի որոշ շրջանակներում: Մասնավորապես «Հայրենիք» (Vatan) կուսակցության Գեբզեի շրջանային կառույցի ղեկավարը արձագանքել է. «Անջատողական, ահաբեկչական կուսակցությունը չի կարող լինել Աթաթուրքի եղբայրը»:
Այս ենթաբաժնի վերջին նորությունները
Eurostat-ի տվյալներով՝ միայն մարտին Թուրքիան 10.2 մլրդ եվրոյի ապրանք է ներկրել ԵՄ անդամ երկրներից:
Երկու երկրների առաջնորդների հանդիպմանը ներկա է գտնվել նաև Ադրբեջանի նախագահ Իլհամ Ալիևը։
«Զգուշավոր ենք, համբերատար, սակայն միևնույն ժամանակ լավատես»:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական «Nefes» թերթի տեղեկացմամ՝ Թուրքիայի բանտերում այժմ կա 403.060 կալանավոր:
Թուրքական մամուլում ընդգծվում է, զինաթափվելու և ինքնալուծարվելու գործընթացն իրականացվելու է 5 փուլով։
Հնդկաստանի քաղաքական գործիչներից Մուրջի Պատելը հայտարարել էր, որ թույլ չեն տա որևէ թուրքական ընկերության գործունեություն Հնդկաստանում։
Թուրքիան ամենաթանկ երկիրն է համարվել սննդամթերքի գնաճի ցուցանիշով։
Թուրքիայի նախագահ մասնակցելու է «Եվրոպայի քաղաքական համայնքի գագաթնաժողովին»: Նախատեսված են մի շարք երկկողմ հանդիպումներ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |