Թուրքիայում ամեն 100 բնակչից 12-ը զենք է կրում։

Հասարակական10:48, 26 Օգոստոս 2019

Թուրքիայում ամեն 100 բնակչից 12-ը զենք է կրում։

2018թ․ Թուրքիայում հրազենի կիրառմամբ կատարված սպանությունների 14 տոկոսը կատրավել է արտոնված զենքի միջոցով։

Թուրքիայում ամեն 100 բնակչից 12-ը զենք է կրում։ Զենք գնելու հնարավորություն ունեն անգամ երեխաները՝ պատվիրելով այն ինտերնետով և ստանալով իրենց նշած հասցեում։

Եվրոպայի վիճակագրական ծառայության (Eurostat) տվյալների համաձայն՝ ԵՄ անդամ և թեկնածու երկրների շարքում Թուրքիան 3-րդ տեղում է ըստ հանցագործությունների թվի։ Իսկ ըստ զինվածության մակարդակի՝ 178 երկրների ցանկում 14-րդն է։

Թուրքիայում 18 տարին լրացած և դատվածություն չունեցող յուրաքանչյուր ոք ընդամենը 5 րոպեում կարող է ինտերնետի միջոցով օրինական զենք գնել։ Վերջին 23 ամսվա ընթացքում Թուրքիայի քաղաքացիները գնել են 1 մլն 629․587 հարթ փողով հրացան և 704․111 ատրճանակ։ Ընդհանուր առմամբ նշված ժամանակահատվածում 2 մլն 333․698 հրացանի և ատրճանակի համար տրվել է օգտագործման օրինական իրավունք։

2016-207թթ․ Թուրքիայում գրանցված 26․818 միջադեպում հրազեն է օգտագործվել, առգրավվել է 10․305 զենք։ Պարզվել է նաև, որ այդ զենքերից 18․4 տոկոսը արտոնված է, 81․6 տոկոսը՝ չարտոնված:

2018-ին․ հրազենի կիրառմամբ 3․679 միջադեպ է գրանցվել։ Դրանց հետևանքով սպանվել է 2․279 մարդ, վիրավորվել՝ 3․762 մար։ Ընդ որում՝ հրազենային վնասվածք հասցնելու կամ սպանության դեպքերի թիվը վերջին 4 տարվա ընթացքում աճել է 69 տոկոսով։

Աղբյուր` aydinlik.com.tr

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։