Քաղաքական10:52, 05 Օգոստոս 2019
Էրդողան. «Մեր համբերությունը անսպառ չէ. կմտնենք Եփրատի արևելք»
Թուրքիայի նախագահ Ռեջեփ Թայիփ Էրդողանը Բուրսայում ունեցած ելույթի ժամանակ ակնարկել է Եփրատ գետից արևելք ընկած տարածքում ռազմական գործողություններ ծավալելու մասին:
Էրդողանը այդ կապակցությամբ ասել է.
«Երբ մենք սկսեցինք կանխել սիրիական տարածքներից մեր երկրի դեմ ուղղված սպառնալիքները, մեզ փորձում էին վախեցնել` ասելով` հանկարծ չմտնեք Աֆրին քաղաքի կենտրոն: Մենք չլսեցինք և մտանք Աֆրին, Ջերաբլուս, Ալ-Բաբ: Այժմ էլ կմտնենք Եփրատի արևելք»:
Էրդողանը նշել է, որ Եփրատի արևելք ներխուժելու վերաբերյալ հայտնել են ԱՄՆ-ին և Ռուսաստանին:
Նրա փոխանցմամբ` հնարավոր չէ լռել այն դեպքում, երբ Սիրիայի տարածքից շարունակվում են Թուրքիայի ուղղությամբ կրակոցները:
«Մեր համբերությունը անսպառ չէ»,- ասել է Թուրքիայի նախագահը:
Հիշեցնենք, որ Թուրքիան առաջին անգամ չէ, որ զգուշացնում է Սիրիայի տարածքում ռազմական գործողություններ իրականացնելու մասին:
Ավելի վաղ թուրքական իշխանությունները հայտնել էին, որ եթե Թուրքիան և ԱՄՆ-ն համաձայնության չհասնեն Սիրիայի հյուսիում ստեղծվելիք անվտանգության գոտու հարցում, Անկարան միայնակ այն կստեղծի՝ ռազմական գործողություններ սկսելով Սիրիայի քրդական ուժերի դեմ, որոնց ահաբեկչական է համարում։
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |