Հասարակական14:36, 29 Հուլիս 2019
Հուլիսին Թուրքիայում մեթիլային ալկոհոլի թունավորումից 23 մարդ է մահացել
Մեթիլային ալկոհոլից թունավորումներն ու դրա շրջանառության դեմ պայքարը Թուրքիայում շարունակվում է։ Ստամբուլի նահանգային անվտանգության վարչության տվյալների համաձայն՝ 2019թ․ առաջին կիսամյակում 17․234 լիտր (95․859 շիշ) կեղծված ալհոկոլ է առգրավվել։ Այդ գործողությունների ընթացքում ձերբակալվել է 167 կասկածյալ։ Նրանցից 39-ը կալանավորվել է։ Կալանավորվածներից 15-ը օտար երկրների քաղաքացիներ են։
2019թ․ հուլիսի ընթացքում Թուրքիայում մեթիլային ալկոհոլից թունավորման պատճառով 23 մարդ է մահացել։ Թունավորման դեպքերը գրանցվել են Ադանա, Նիղդե, Մերսին և Օսմանիե նահանգներում։
Ալկոհոլային թունավորումները հատկապես հաճախակի են դառնում ամառվա ամիսներին։ Դրանց պատճառը անօրինական ճանապարհով արտադրվող և մեթիլ սպիրտ պարունակող ալկոհոլի օգտագործումն է, որը թունավոր և չափազանց վտանգավոր նյութ է։ Մեթիլ սպիրտը հիմնականում օգտագործվում է արդյունաբերության մեջ՝ հակասառեցնող (անտիֆրիզ) հեղուկի, մաքրող հեղուկների և նմանատիպ այլ նյութերի արտադրության մեջ։
Ալկոհոլային խմիչքները սովորաբար արտադրվում են էթիլ սպիրտի օգտագործմամբ, իսկ ոչ գործարանային պայմաններում արտադրվող, կեղծված խմիչքներում մեթիլ սպիրտ է պարունակվում։ Դրանց երկուսի ազդեցությունն էլ խմողի մոտ արբածություն է առաջացնում, բայց եթե էթիլ սպիրտի առաջացրած արբածությունը որոշ ժամանակ հետո անցնում է, ապա մեթիլ սպիրտի օգտագործման դեպքում արբածությանը հաջորդում են տեսողության խնդիրները, թունավորումը։ Այդ խմիչքի մեծ քանակությամբ օգտագործումը կարող է հանգեցնել կուրության կամ մահվան։
Այս ենթաբաժնի վերջին նորությունները
Նշվում է, որ այն պարունակում է պիստակ, ինչի մասին փաթեթավորման վրա նշված չէ:
Ձերբակալված երիտասարդները նշել են, որ եթե մեքենայում հնչեր «Որքան երջանիկ եմ, որ թուրք եմ» երգը, այս ամենը տեղի չէր ունենա։
Նշվում է, որ մինչև 2030-ը Թուրքիան կլինի ջրային ռեսուրսներով աղքատ երկրներից մեկը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նեմրութ լեռան սրբավայրը կառուցել է հայկական Կոմմագենեի թագավորության Անտիոքոս Ա Երվանդունի արքան։
Թեմային անդրադարձել է Թուրքիայի պաշտպանության նախարար Յաշար Գյուլերը։
Թուրքիայի իշխանությունների «ահաբեկչության դեմ պայքարի» քաղաքականությունը զգալիորեն ընդլայնել է էրդողանական վարչակարգի լեգիտիմության հիմքերը։
Նշվում է, որ մինչև 2030-ը Թուրքիան կլինի ջրային ռեսուրսներով աղքատ երկրներից մեկը։
Մինչ օրս այդ անվանակարգում դեռ ոչ մի թուրքական ֆիլմ չի հայտնվել լավագույն հնգյակում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |