Թուրքիայում սոցհարցման մասնակիցների 63․9%-ը ողջունում է ռուսական S-400-ների գնման գործարքը

Հասարակական17:06, 23 Հուլիս 2019

Թուրքիայում սոցհարցման մասնակիցների 63․9%-ը ողջունում է ռուսական S-400-ների գնման գործարքը

Թուրքական «Optimar» հետազոտությունների կենտրոնը սոցհարցում է անցկացրել ռուսական արտադրության S-400 զենիթահրթիռային ՀՕՊ համակարգերի թեմայով՝ պարզելու հանրության կարծիքը: «Optimar»-ի սոցհարցումը կատարվել է հուլիսի 13-15, որին մասնակցել են 1826 հոգի։

«Եթե ԱՄՆ-ն S-400-ների մատակարարման պատճառով Թուրքիայի դեմ պատժամիջոցներ կիրառի, պե՞տք է հետքայլ անել» հարցին սոցհացման մասնակիցներից 63․9%-ը պատասխանել է․«Ոչ, չպետք է հետքայլ անել»։ Մասնակիցների միայն 8․9%-ն է ասել, որ կարելի է հետ կանգնել S-400-ները գնելու որոշումից, քանի որ ամերիկյան պատժամիջոցները լուրջ ռիսկեր կստեղծեն Թուրքիայի տնտեսության համար:

Սոցհարցման մասնակիցների 63․2%-ը կարծում է, որ Թուրքիան ճիշտ դիրքորոշում է որդեգրել, իսկ 10․6%-ը հակառակն է պնդում։ Ուշագրավ է, որ ընդդիմադիր կուսակցությունների ընտրազանգվածից մի ստվար հատված ևս սատարում է S-400-ների ձեռքբերման քաղաքականությունը:

Թուրքիայի քեմալական ընդդիմադիր «Ժողովրդահանրապետական կուսակցության» ընտրազանգվածի 46․6 և քրդամետ «Ժողովուրդների դեմոկրատական կուսակցության» ընտրազանգվածի 28․6 տոկոսը կողմ են արտահայտվել ռուս-թուրքական ռազմատեխնիկական այդ գործարքին:

Աղբյուր` Internethaber.com

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։