Քաղաքական12:58, 18 Հուլիս 2019
Թուրքիայի արտգործնախարարությունը արձագանքել է Պենտագոնի հայտարարությանը
Թուրքիայի արտգործնախարարությունը արձագանքել է ԱՄՆ-ի՝ F-35 ռազմական ինքնաթիռների նախագծի հետ կապված որոշմանը։ ԱԳՆ ինտերնետային կայքում տեղ գտած հայտարարությունում մասնավորապես ասված է․ «Այսօր՝ հուլիսի 17-ին, Սպիտակ տունն ու ԱՄՆ պաշտպանության նախարարությունը հայտարարել են մեր երկիրը F-35 ինքնաթիռների նախագծից հեռացնելու մասին՝ պայմանավորելով դա S-400 ՀՕՊ համակարգերի մատակարարմամբ։ Այդ միակողմանի քայլը հակասում է դաշնակցության ոգուն և որևէ արդարացի հիմնավորում չունի»։
Նախարարությունը անարդար է համարել F-35 ռազմական ինքնաթիռների նախագծից Թուրքիայի հեռացումը՝ հիշեցնելով, որ ԱՄՆ-ը անպատասխան է թողել այս հարցի ուսումնասիրության համար ՆԱՏՕ-ի մասնակցությամբ աշխատանքային խումբ ստեղծելու իրենց առաջարկը։ Թուրքական կողմը այդ հանգամանքը որակել է որպես ԱՄՆ-ի կանխակալության և խնդիրը համատեղ լուծելու ցանկության բացակայության ակնհայտ ապացույց։
Հայտարարությամբ նաև կոչ է արվել ԱՄՆ-ին՝ հավատարիմ մնալ Օսակայում «Մեծ քսանյակի» գագաթնաժողովի շրջանակներում նախագահներ Էրդողանի և Թրամփի միջև ձեռք բերված պայմանավորվածություններին։
«Կոչ ենք անում ԱՄՆ-ին հրաժարվել այս սխալից, որը կարող է անուղղելի վնաս հասցնել մեր ռազմավարական հարաբերություններին», - ասված է հայտարարությունում։
Հիշեցնենք, որ հուլիսի 17-ին Պենտագոնը պաշտոնապես հայտարարել էր F-35 ինքնաթիռների նախագծից Թուրքիային դուրս թողնելու որոշման մասին։ Ծրագրից Թուրքիային վերջնականապես հեռացնելու գործընթացը կմեկնարկի հուլիսի 31-ին։
Այս ենթաբաժնի վերջին նորությունները
Թուրքիայի Արտաքին գործերի նախարարությունն իր պաշտոնական կայքում Հայոց ցեղասպանության առնչությամբ միջազգային արձագանքները դատապարտող հայտարարություն է հրապարակել։
«Թուրքիայի պատվիրակությունը գլխավորել է Թուրքիայի փոխարտգործնախարար Բուրաք Աքչափարը։
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց ցեղասպանության մասին։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց ցեղասպանության մասին։
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |