Հունաստանի արտգործնախարար․ «Թուրքիան պիտի դուրս գա չարաճճի երեխայի կերպարից»

Քաղաքական12:18, 10 Հուլիս 2019

Հունաստանի արտգործնախարար․ «Թուրքիան պիտի դուրս գա չարաճճի երեխայի կերպարից»

Հունաստանի նորանշանակ արտգործնախարար Նիկոս Դենդիասն անդրադարձել է թուրք-հունական հարաբերություններին։

«Թուրքիան արդեն երկար ժամանակ է՝ սադրիչ պահվածք է դրսևորում։ Սկսել եմ մտածել, որ նրանք չափում են Հունաստանի համբերությունը։ Նախընտրական շրջանում Թուրքիայի նման պահվածքը անսպասելի չէ։ Սակայն վերջերս տարածաշրջանում լարվածությունը մեծացավ էներգետիկ խնդրի պատճառով։ Անհիմն պահանջներ չենք ընդունելու և ակնկալում ենք, որ մեր հարևանը ողջամիտ և միջազգային իրավունքին հարիր վարք կդրսևորի»,- ասել է հույն նախարարը։

Անդրադառնալով բացառիկ տնտեսական գոտու հարցին՝ Դենդիասը նշել է, որ այն պատկանում է միայն Կիպրոսին։ «Թուրքիան պետք է հիշի, որ Կիպրոսը Եվրամիության անդամ ինքնիշխան պետություն է։ Միջազգային իրավունքի խախտումը Թուրքիային ոչինչ չի տա։ Թուրքիան պետք է դուրս գա չարաճճի երեխայի կերպարից և որդեգրի լուրջ պահվածք»։

ԴԵռ նախընտրական շրջանում նախարար Դենդիասը նշել էր, որ Հունաստանը ցանկանում է իր հարևանների հետ բարիդրացիական հարաբերություններ պահպանել, բայց դրա հետ մեկտեղ ոչ մի դեպքում որևէ զիջման չի գնա իր ինքնիշխանության պահպանման հարցում։

Աղբյուր` tr.euronews.com