Թուրքիայի ԱԳՆ.«ԱՄՆ-ի պետքարտուղարության հայտարարությունը հակասում է Թրամփ-Էրդողան հանդիպման ոգուն»

Քաղաքական16:50, 10 Հուլիս 2019

Թուրքիայի ԱԳՆ.«ԱՄՆ-ի պետքարտուղարության հայտարարությունը հակասում է Թրամփ-Էրդողան հանդիպման ոգուն»

Ռուսաստանի կողմից առաջիկա օրերին Թուրքիային մատակարարվելիք S-400 զենիթահրթիռային ՀՕՊ համակարգերի պատճառով թուրք-ամերիկյան հարաբերությունները շարունակում են լարված մնալ։

Թուրքիայի արտգործնախարարությունն անդրադարձել է նախօրեին ԱՄՆ-ի պետքարտուղարության կողմից Թուրքիային արված նախազգուշացմանը:

Արտգործնախարարության մամուլի խոսնակ Համի Աքսոյը գրավոր պատասխանել է S-400-ների մատակարարմանն անդրադարձած ԱՄՆ-ի պետքարտուղարության մամուլի խոսնակ Մորգան Օրթագուսին:

Թուրքիայի ԱԳՆ-ի տարածած գրավոր հայտարարության մեջ նշվում է.

«ԱՄՆ-ի պետքարտուղարության մամուլի խոսնակի հայտարարությունը` կապված S-400 համակարագերի մատակարարման հետ, չի համապատասխանում G-20 գագաթնաժողովի ընթացքում մեր նախագահի (խմբ.`Էրդողան) և ԱՄՆ նախագահ Դոնալդ Թրամփի միջև կայացած հանդիպման բովանդակությանը և ոգուն:

Ակնհայտ են այն պայմանները, որոնք Թուրքիային հանգեցրել են ստանալ S-400 համակարգերը: Նախագահ Թրամփը ևս այդ մասին հաստատել է G-20-ի գագաթնաժողովում և հստակ ասել, որ արդարացի վերաբերմունք չի ցուցաբերվել հենց ԱՄՆ-ի կողմից:

Մենք ի սկզբանե այս գործընթացն իրականացրել ենք թափանցիկորենլ: ԱՄՆ-ի մտահոգությունները փարատելու համար առ այն, որ S-400 համակարգերը կարող են վնասել F-35 համակարգերին, մենք անգամ առաջարկել ենք աշխատանքային խումբ ստեղծել, որում կարող է ներգրավվել նաև ՆԱՏՕ-ն: Սակայն մեր այդ առաջարկը դեռ մնացել է անպատասխան»:

Աղբյուր` DHA

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: