Քաղաքական12:39, 28 Հունիս 2019
Թուրքիայում ստեղծվող նոր կուսակցությանը կանդամակցեն իշխող AKP-ի որոշ պատգամավորներ
Թուրքիայում տեղեկություններ են շրջանառվում այն մասին, որ նախագահ Ռեջեփ Թայիփ Էրդողանի գլխավորած իշխող «Արդարություն և զարգացում կուսակցության» (AKP-ԱԶԿ) մի շարք ներկա ու նախկին անդամներ նախաձեռնում են ստեղծել նոր կուսակցություն:
Թուրքիայի նախկին փոխվարչապետ և արտգործնախարար Ալի Բաբաջանի խորհրդականը «Reuters» լրատվական գործակալությանը տված հարցազրույցում հայտնել է, որ Բաբաջանը Թուրքիայի 11-րդ նախագահ Աբդուլլահ Գյուլի հետ միասին աշնանը նոր կուսակցություն է հիմնելու:
Բաբաջանի խորհրդականի խոսքով` նոր կուսակցությունը պաշտպանելու է AKP-ի կառավարման առաջին տարիների քաղաքականությունը:
Խորհրդականը նշել է, որ հանդիպումներ են իրականացվում որոշ քաղաքական գործիչների և մտավորականների, այդ թվում նաև` Թուրքիայի խորհրդարանի իշխող AKP-ի պատգամավորների հետ:
Խորհրդականը ասել է, որ AKP-ի խորհրդարանական խմբակցությունից պատգամավորների մի խումբ կարող է դուրս գալ, սակայն չի նշել, թե քանի պատգամավոր կարող է հրաժարվել մանդատից:
Թուրքիայի մեջլիսում խմբակցություն ձևավորելու համար կուսակցությանը անհրաժեշտ է առնվազն 20 պատգամավորական մանդատ:
Լրատվական գորածակալությունը հարցազրույց է վերցրել նաև իշխող կուսակցության ներկայացուցիչներից մեկից (անունը չի նշվում): Վերջինս ասել է.
«Բաբաջանը ուժեղ և հարգանքի արժանի գործիչ է: ԱԶԿ-ն, անշուշտ, տուժելու է նոր ստեղծվող կուսակցությունից, սակայն դրա պատճառով կորցրած ձայներով էլ կարող է հաղթահարել»:
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |