Ստամբուլում մեկնարկել են քաղաքապետի նոր ընտրությունները

Հասարակական06:36, 23 Հունիս 2019

Ստամբուլում մեկնարկել են քաղաքապետի նոր ընտրությունները

Թուրքիայում հունիսի 23-ին, առավոտյան ժամը 08:00-ից մեկնարկել են Ստամբուլի քաղաքապետի ընտրությունները: Քվեարկությունը կավարտվի Թուրքիայի ժամանակով 17:00-ին:

Ստամբուլի քաղաքապետի ընտրություններում հիմնական մրցակիցներն են քեմալական ընդդիմադիր «Ժողովրդահանրապետական» կուսակցության (CHP-ԺՀԿ) թեկնածու Էքրեմ Իմամօղլուն և իշխող «Արդարություն և զարգացում կուսակցության» (ԱԶԿ-AKP) թեկնածու Բինալի Յըլդըրըմը:

Վերոհիշյալ կուսակցական թեկնածուներից բացի քաղաքապետի ընտրություններին մասնակցելու հայտ էին ներկայացրել իսլամական ուղղվածության «Երջանկություն» կուսկացությունից (Saadet Partisi) Նեջդեթ Գյոքչընարը և սոցիալիստական-ազգայնամոլական «Հայրենիք» կուսակցությունից (Vatan Partisi) Իլքեր Յուջելը:

Քանի որ Մարտի 31-ին կայացած ՏԻՄ ընտրություններում Ստամբուլում գրանցված արդյունքները չեղյալ էին համարվել և հայտարարվել նոր ընտրությունների կազմակերպման մասին 18 տարին լրացած անձինք և բանակից զորացրվածները չեն կարողանա մասնակցել քվեարկությանը:

Հունիսի 18-ին հաստատված ընտրողների ցուցակով ընտրություններին չեն կարող մասնակցել 44.852 անձ, սակայն մարտի 23-ի ընտրացուցակում այդ թիվը կազմում էր 23.165: Այսինքն այս ընտրություններում ընդհանուր առմամբ քվեարկությանը չի մասնակցի 68.017 ընտրող:

Ստամբուլի քաղաքապետի ընտրություններում կմասնակցի քաղաքում գրանցված 10 մլն 560.963 բնակիչ: Ընտրատեղամասերի քվեատուփերի թիվը 31.342 է:

Հիշեցնենք, որ մարտի 31-ին Թուրքիայում կայացել էր ՏԻՄ ընտրություններ: Ստամբուլում հաղթող էր ճանաչվել ընդդիմադիր թեկնածու Էքրեմ Իմամօղլուն: Սակայն մայիսի 6-ին Թուրքիայի կենտրոնական ընտրական հանձնաժողովը չեղյալ հայտարարեց Ստամբուլի ընտրությունների արդյունքները:

Աղբյուր` Ahaber

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։