Համահայկական խաղերի համաշխարհային կոմիտեի պատվիրակությունն այցելել է Մուշ

Հասարակական06:24, 17 Հունիս 2019

Համահայկական խաղերի համաշխարհային կոմիտեի պատվիրակությունն այցելել է Մուշ

Համահայկական խաղերի համաշխարհային կոմիտեի պատվիրակությունն այցելել է Մուշ, որտեղ եղել է հայ ազգային-ազատագրական շարժման հերոս Գևորգ Չաուշի գերեզմանին, ծաղիկներ խոնարհել նրա շիրիմին: Պատվիրակությանը ընդունել է նաև Մուշի քաղաքապետ Ֆեյաթ Ասյան:

«Շատ ուրախ ենք ձեր այցի համար, մեր աչքի վրա տեղ ունեք: Չնայած օրը մեզ համար տոնական է, բայց ձեզ հետ հանդիպելն ավելի կարևոր է, և ես չէի կարող այդ առիթը բաց թողնել»,- ասել է նա:

Համահայկական խաղերի համաշխարհային կոմիտեի նախագահ Իշխան Զաքարյանը Մուշի քաղաքապետին է հանձնել Երևանում համահայկական խաղերի միջոցառումներին մասնակցելու պաշտոնական հրավերը և հայ վարպետների ձեռքով պատրաստված խորհրդանշական նվերը:

Մշո դաշտից Կարս գնացող ճանապարհին պատվիրակության անդամները Սուլուխի կամրջից վարդեր են նետել Արածանի գետ՝ հարգանքի տուրք մատուցելով 1907թ.-ին Գևորգ Չաուշի և նրա զինակիցների հիշատակին:

Իշխան Զաքարյանն առաջարկել է Երևան-Վան, Գյումրի–Կարս քաղաքները դարձնել համահայկական հաջորդ խաղերի անցկացման կենտրոններ ու աշխատանք կատարել այդ ուղղությամբ: Զաքարյանը, Չարենցի տան օրինակով, անընդունելի է համարել մշակութային արժեքների ոչնչացումը և հույս են հայտնել, որ մեծ բանաստեղծի տունը նույնությամբ կնորոգվի, եղած հայկականն էլ կպահպանվի:

Համահայկական խաղերի համաշխարհային կոմիտեի նախագահը պատրաստակամություն է հայտնել, հարկ եղած դեպքում, աջակցել Չարենցի տան վերականգնմանը:

Պատվիրակությանը եղել է նաև Հայոց հինավուրց մայրաքաղաք Անիում։

Համահայկական խաղերի համաշխարհային կոմիտեի փոխնախագահ Ալբեր Բոյաջյանն ասել է, որ սպորտի միջոցով համախմբում են Սփյուռքը, Հայաստանը և Արցախը:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։