Քաղաքական07:45, 13 Հունիս 2019
Թուրք պատգամավոր. «Ստամբուլի ընտրություններում Գյուլն ու Դավութօղլուն AKP-ի պարտությունն են ցանկանում»
Թուրքիայում իշխող «Արդարության և զարգացում» կուսակցության (ԱԶԿ-AKP) պատգամավոր Մեհմեթ Մեթիները հայտարարել է, որ Թուրքիայի նախկին նախագահ Աբդուլլահ Գյուլը և նախկին վարչապես Ահմեթ Դավութօղլուն հունիսի 23-ին Ստամբուլում կայանալիք քաղաքապետի ընտրություններում ցանկանում են, որ AKP-ն պարտվի:
Պատգամավորը իր «Ինչու՞ են լուռ Գյուլն ու Դավութօղլուն» հոդվածում նշել է, որ բազմիցս է հարցեր ուղղել նրանց, թե ինչու են լռում, ու՞մ են աջակցում Ստամբուլի ընտրություններում, սակայն այդպես էլ պատասխան չի ստացել: Այդ պատճառով Մեթիները առանցնացրել է հնարավոր պատասխանների 3 վարկած:
«1. Անշուշտ աջակցում եմ AKP-ի թեկնածուին:
2. Աջակցում ենք «Ժողովրդահանրապետական կուսակցության» (ԺՀԿ-CHP) թեկնածուին, քանի որ եթե CHP-ն հաղթի, ապա ճանապարհ կբացվի մեր քաղաքականության համար:
3. Չենք ցանկանա, որ AKP-ն հաղթի, սակայն չենք քվեարկի նաև CHP-ի թեկնածու օգտին, այդ իսկ պատճառով դատարկ քվեաթերթիկ կգցենք քվեատուփում»:
Նա պահանջել է, որ Գյուլն ու Դավութօղլուն բացահայտ ասեն իրենց դիրքորոշման մասին:
«Մենք իրավունք ունենք իմանալու: Չնայած նկատում եմ, որ հայտնելու մտադրություն չունեն: Ուրեմն ասեմ, որ նրանք երկուսն էլ ուզում են, որ AKP-ն պարտվի, այլ կերպ` իրենք կպարտվեն»,-գրել է նա:
Հիշեցնենք, որ Թուրքիայի 11-րդ նախագահ Գյուլը և նախկին վարչապետ Դավութօղլուն, որոնք եղել են իշխող AKP-ի հիմնադրման ակունքներում, ավելի վաղ հայտնել էին նոր կուսակցության ստեղծման մասին:
Այս ենթաբաժնի վերջին նորությունները
Eurostat-ի տվյալներով՝ միայն մարտին Թուրքիան 10.2 մլրդ եվրոյի ապրանք է ներկրել ԵՄ անդամ երկրներից:
Երկու երկրների առաջնորդների հանդիպմանը ներկա է գտնվել նաև Ադրբեջանի նախագահ Իլհամ Ալիևը։
«Զգուշավոր ենք, համբերատար, սակայն միևնույն ժամանակ լավատես»:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |