Թուրքիային, Ռուսաստանին ու Իրանին կոչ է արվում ապահովել Իդլիբում քաղաքացիականների անվտանգությունը

Քաղաքական09:50, 30 Մայիս 2019

Թուրքիային, Ռուսաստանին ու Իրանին կոչ է արվում ապահովել Իդլիբում քաղաքացիականների անվտանգությունը

Եվրամիությունը (ԵՄ) Ռուսաստանին, Իրանին ու Թուրքիային կոչ է արել վերջ դնել Սիրիայի Իդլիբ նահանգում տեղի ունեցող բախումներին և պաշտպանել պաշարման տակ եղած քաղաքացիական բնակչությանը:

ԵՄ արտաքին քաղաքականության և անվտանգության հարցերով բարձր հանձնակատար Ֆեդերիկա Մոգերինի և հումանիտար օգնության համակարգող Քրիստոս Ստիլիանիդիսի կողմիաց արված հայտարարության մեջ ասվում է. «Սպասում ենք, որ Սիրիայի կառավարությունն ու Աստանայի գործընթացի երաշխավոր երկրները կկատարեն ստանձնած պարտավորությունները և կերաշխավորեն քաղաքաղիականների պաշտպանությունը: Ոչ մի կերպ չի կարող ընդունելի լինել կանաց, երեխաների ու այլ քաղաքացիականների վրա կատարվող հարձակումները, նրանց տեղահանումը և քաղաքացիականներին սպասարկող ենթակառուցվածքների ավերումը»:

Վերջին շաբաթների ընթացքում Իդլիբում սաստկացած բախումները հազարավոր մարդկանց տեղահանության պատճառ էին դարձել։

Նշենք, որ Իդլիբում լարվածության նվազեցումը գտնվում է Թուրքիայի և Ռուսաստանի երաշխավորությամբ ընթացքող Աստանայի գործընթացի ուշադրության կենտրոնում։

Էրդողանը և Պուտինը 2018թ. սեպտեմբերի 17-ին Սոչիում Սիրիայի Իդլիբ նահանգի հարցի շուրջ համաձայնություն էին ձեռք բերել: Դրա համաձայն`Սիրիայի հյուսիս-արևմուտքում գտնվող Իդլիբում որոշվել էր ստեղծել 15-20կմ խորությամբ ապառազմականացված գոտի:

Աղբյուր` Diken

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: