Թուրքիայի ՆԳՆ-ն Թաթվան քաղաքի ավագանու 9 քուրդ անդամներին հեռացրել է պաշտոնից

Քաղաքական13:34, 21 Մայիս 2019

Թուրքիայի ՆԳՆ-ն Թաթվան քաղաքի ավագանու 9 քուրդ անդամներին հեռացրել է պաշտոնից

Թուրքիայի Բիթլիս նահանգի Թաթվան (պատմ. Դատվան) քաղաքի ավագանու 14 անդամներից 9-ը հեռացվել է աշխատանքից: Նրանք ընդդիմադիր քրդամետ «Ժողովուրդների դեմոկրատական կուսակցությունից» են:

Քուրդ անդամներին հեռացնելուց հետո գրեթե ամբողջությամբ քրդաբնակ քաղաքի կառավարումը փաստացի ամբողջությամբ անցնել է իշխող «Արդարություն և զարգացում կուսակցությանը» (ԱԶԿ-AKP), որը ավագանիում ունի 11 անդամ: Այսպիսով մարտի 31-ին տեղի ունեցած ՏԻՄ ընտրություններում աննշան առավելությամբ քաղաքապետ ընտրված ԱԶԿ-ական Մեհմեթ Էմին Գեյլանին փաստորեն ստանում է գործելու անսահման ազատություն:

Թեմայի վերաբերյալ արած հայտարարության մեջ Գեյլանին նշել է, որ Թուրքիայի ներքին գործերի նախարարությունը ավագանու քուրդ անդամներին հեռացրել է պարտականությունների իրականացումից, քանի որ նրանց դեմ հետաքննություն է ընթանում՝ ահաբեկչության հետ կապ ունենալու գործով:

«Տեղի ունեցողը մեր իրավասության շրջանակներից դուրս է: Նրանք հեռացվել են իրենց պարտականությունների կատարումից Ներքին գործերի նախարարության կողմից: Գործընթացը շարունակվում է: Չենք կարող ասել, թե այն ինչպիսի ավարտ կունենա»,- ասել է թուրք քաղաքապետը:

Թեմայի վերաբերյալ հայտարարություն է արել նաևավագանու հեռացված անդամ, փաստաբան Դիյար Օրաքը:

Նա նշել է, որ նահանգապետարանի կողմից իրենց վերաբերյալ ներկայացված բողոքի հիման վրա սկսված գործը բավարար հիմք չէ իրենց պարտականությունները դադարեցնելու համար, քանի որ տվյալ հոդվածը կապ չունի իրենց պաշտոնավարման հետ:

Աղբյուր` Diken

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: