Քաղաքական09:55, 16 Ապրիլ 2019
Իմամօղլուն ակնարկել է, որ չտեսը ոչ թե ինքն է, այլ իր մրցակից Յըլդըրըմը
Թուրքիայում մարտի 31-ին կայացած ՏԻՄ ընտրություններում դեռևս ոչ պաշտոնական տվյալներով Ստամբուլում հաղթած ընդդիմադիր թեկնածու Էքրեմ Իմամօղլուն մամուլի ասուլիս է տվել:
Անդրադառնալով ՏԻՄ ընտրություններում իշխող «Արդարություն և զարգացում կուսակցության» (AKP-ԱԶԿ) կողմից Ստամբուլում ներկայացված թեկնածու Բինալի Յըլդըրըմի մամուլի ասուլիսին՝ Իմամօղլուն ասել է.
«Երկու ժամվա ընթացքում նա (Բինալի Յըլդըրըմ - խմբ.) որևէ կոնկրետ փաստարկ, խախտում կարողացե՞լ է ներկայացնել: Կամ նրա ասածները հասկացե՞լ եք: Ինձ մեղադրում է շտապողականության մեջ, սակայն ինքն էր կայծակնային արագությամբ առաջ անցել»:
Իմամօղլուի խոսքով` Յըլդըրըմը նրան ասել է, թե իբր անկուշտ վարքագիծ է ցուցաբերել:
«Ես չտես կլինեի այն ժամանակ, եթե ընտրություններից ընդամենը կես օր անց ողջ Ստամբուլում հենց ես կախեի հաղթանակի պաստառները: Ուզում եմ հարցնել. Ի՞նչ է չտեսությունը»,-ասել է Իմամօղլուն:
Իմամօղլուն, այնուհետև անդրադառնալով Թուրքիայի տնտեսությունում առկա խնդիրներին, նշել է, որ կառավարությունը լուծման ուղիներ գտնելու փոխարեն այլ փնտրտուքների մեջ է: Եվ սա յան դեպքում, երբ Թուրքիայի վիճակագրական ծառայության տվյալներով՝ երկրում գործազրկությունը վերջին մեկ տարում աճել է 1 մլն 259.000-ով:
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |