Հոդված13:35, 01 Ապրիլ 2019
Թուրքիայում ներքաղաքական լարվածությունը կարող է մեծանալ
Թուրքիայում մարտի 31-ին կայացած ՏԻՄ ընտրությունների արդյունքները, բնականաբար, գոհացուցիչ չեն կարող լինել նախագահ Էրդողանի և նրա ղեկավարած իշխող «Արդարություն և զարգացում կուսակցության» համար։
Հաշվի առնելով այն իրողությունը, որ թուրքական իշխանություններն ունեն ռևանշիստական բնույթ, առաջիկայում չի բացառվում քաղաքական հալածանքների, հետապնդումների և ռեպրեսիաների աճը։
Քաղաքական լարվածություն կարող է առաջացնել նաև այն հանգամանքը, որ թեպետ մեծ քաղաքների քաղաքապետի պաշտոնում ընտրվել են ընդդիմադիր թեկնածուներ, սակայն նահանգների շրջանային խորհուրդներում ԱԶԿ-ն ճնշող մեծամասնություն ունի։ Սա էլ իր հերթին հղի է հետագա անհամաձայնությունների, տեղական ինքնակառավարման ոլորտում անհարթությունների վտանգով։ Մոտավորապես պատկերացրեք մի իրավիճակ, երբ ասենք Հայաստանում բոլոր մարզպետները լինեն օրինակ իշխող ուժից, իսկ քաղաքապետերն ու գյուղապետերը լինեն ընդդիմադիր ճամբարից:
Այնուամենայնիվ, Թուրքիայում քաղաքական իշխանությունը շարունակվում է մնալ Էրդողանի և իր կուսակցության ձեռքում և մինչև 2023 թվականը Թուրքիայի արտաքին և ներքին քաղաքականության մեջ վճռորոշ կլինի ԱԶԿ-ի ձայնը։
Հայաստանի համար միակ քիչ թե շատ նշանակալի զարգացումը Թուրքիայի ՏԻՄ ընտրություններում այն էր, որ Հայաստանին սահմանակից Կարս և Իգդիր նահանգներում հաղթեց քրդամետ «Ժողովուրդների դեմոկրատական կուսակցությունը» (HDP-ԺԴԿ)։ Կարսում HDP-ստացել է ձայների 29.54, իսկ Իգդիրում 50.07%-ը։
Ինչպես հայտնի է, Թուրքիայի՝ Հայաստանին սահմանակից շրջանները մշտապես եղել են Ադրբեջանի հատուկ ուշադրության ներքո և բացի ժողովրդագրական նպատակային քաղաքականությունից (տվյալ տարածքներում ադրբեջանցիներ են բնակեցվում), այդ տարածքներում ազգայնականների իշխանություն հաստատելու համար գործադրվել են առանձնահատուկ ջանքեր։ Հայկական շրջանակների հանդեպ համակրանքով տրամադրված քրդամետ քաղաքական ուժի տարած հաղթանակը Կարսում և Իգդիրում թեպետ շատ մեծ փոփոխությունների չի հանգեցնի Թուրքիայի՝ Հայաստանի հանդեպ վարած քաղաքականության տեսանկյունից, բայց երևույթը ինքնին դրական զարգացում կարելի է համարել տեղային առումով, ինչպես նաև այդ շրջաններում հանրային տրամադրությունների առումով:
Այս ենթաբաժնի վերջին նորությունները
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
Ermenihaber.am-ը ներկայացնում է 2023-ի վերջին և 2024-ի սկզբին, այսպես կոչված, «Զանգեզուրի միջանցքի» մասին Անկարայից հնչած հայտարարությունները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |