Քաղաքական08:00, 26 Մարտ 2019
Financial Times: Գերմանիան ցանկանում է կտրել իր տարածքում ապրող թուրքերի կապը Թուրքիայի հետ
Գերմանիան ցանկանում է կտրել իր տարածքում ապրող մուսուլմանների տնտեսական ու հոգևոր կապերը Թուրքիայի հետ: Այս մասին գրում է թուրքական «Yurtgazetesi»-ն՝ վկայակոչելով բրիտանական Financial Times-ին:
Ըստ FT-ի՝ Բեռլինն անհանգստացած է Թուրքիայի կրոնական գործերի վարչության «Թուրք-իսլամական միության» (DİTİB) ծավալած գործունեությամբ Գերմանիայի թուրքերի շրջանում:
Պարբերականի հետ զրույցում Գերմանիայի ներքին գործերի առաջին փոխնախարար Մարկուս Քերբերն ասել է, որ Թուրքիայի իշխանությունները պետք է ընդունեն, որ արդեն անցյալում են այն օրերը, երբ Գերմանիայի մզկիթների վերահսկողությունը ամբողջությամբ պատկանում էր DİTİB-ին:
«Անկարայի պատասխանատուներին էլ եմ ասել՝ ձեր թուրքերը արդեն մեր թուրքերն էլ են, վարժվեք այդ մտքին»:
Ըստ գերմանացի պաշտոնյայի՝ իրենց նպատակն է նվազեցնել դրսի ազդեցությունը իրենց երկրում բնակվող փոքրամասնությունների վրա:
«Այս պահին Գերմանիայի մուսուլմանների համար պետք է մի այնպիսի իսլամ, որը հենց Գերմանիայինը կլինի: Սա չի նշանակում, որ մենք նոր գաղափարախոսություն ենք ստեղծում, սրանով մենք որոշում ենք, թե տեղի մուսուլմաններին ինչպիսի իսլամ է հարկավոր»,- ասել է Քերբերը:
Գերմանացի փոխնախարարը, խոսելով «տեղական» կամ «գերմանական» իսլամի մասին, ասել է, որ տեղի մուսուլմանները պետք է գերմաներենով քարոզներ լսելու իրավունք ունենան, իսկ քարոզ կարդացող իմամը պետք է հաղորդակից լինի գերմանական իրականությանը:
Պարբերականը տեղեկացնում է, որ Թուրքիան DİTİB-ի միջոցով Գերմանիայի մուսուլմանների շրջանում լայն ցանց է ձևավորել: Գերմանիայում գործող 2400 մզկիթներից 900-ը հենց այդ կազմակերպությունն է ղեկավարում: Թուրքիայի կրոնական գործերի վարչությունը իմամներ է (մուսուլմանական հոգևորական) է ուղարկում այդ մզկիթներում ծառայելու համար, որոնց աշխատավարձներ է տալիս պետական բյուջեից:
Նշվում է, որ թուրք-գերմանական հարաբերություններում առկա լարվածության պատճառներերից մեկն էլ 1960-ականներին գերմանիայում հաստատված մեծաթիվ թուրքերի գերմանական հասարակությանը չինտեգրվելու խնդիրն է, ինչին իր գործողություններով նպաստում է Թուրքիան:
Այս ենթաբաժնի վերջին նորությունները
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Այն բացվել էր 2021-ի հունվարի 30-ին։ Կենրոնում ծառայում էին 60 ռուս և 60 թուրք զինվոր։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Թուրքիայի էերգետիկայի և բնական պաշարների նախարարը թուրք-հունական էներգետիկ ֆորումին հանդես է եկել տեսաուղերձով։
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |