Էրդողանն ընդունել է Ղազախստանի վարչապետին

Քաղաքական11:15, 26 Ապրիլ 2024

Էրդողանն ընդունել է Ղազախստանի վարչապետին

Ապրիլի 26-ին Թուրքիայի նախագահ Ռեջեփ Թայիփ Էրդողանն ընդունել է Ղազախստանի վարչապետ Օլժաս Բեկթենովին: Հանդիպման օրակարգում են եղել երկկողմ հարաբերություններն ու տարածաշրջանային և միջազգային նշանակության հարցեր:

Մտքեր են փոխանակվել նաև Իսրայելի կողմից Պաղեստինի Գազայի հատվածի ուղղությամբ իրականացվող հարձակումների հետևանքով տարածաշրջանում տիրող իրավիճակի շուրջ:

Էրդողանն ընդգծել է, որ իսրայելական իշխանությունները փորձում են իրենց քաղաքական ապագայի պատրվակով հրահրվող բախումներն ընդլայնել ամբողջ տարածաշրջանի մասշտաբներով, ապա նշել, որ իր առաջնահերթությունն է տևական հրադադարի անհապաղ հաստատումը:

Թուրքիայի նախագահը, խոսելով այս հարցում «Թյուրքական պետությունների միության» (TDT) կողմից իրականացվող գործողություններից, ասել է, որ այն էլ ավելի համապարփակ համագործակցություն կարող է ունենալ Գազայում գտնվող քաղաքացիական անձանց օգնություն հասցնելու համար:

Կողմերը քննարկման սեղանին են դրել նաև համատեղ ռազմարդյունաբերությանը, հակաահաբեկչական պայքարին, տնտեսությանը և այլ ոլորտներում համագործակցության խորացմանը վերաբերող հարցեր:

Աղբյուր` trthaber.com

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։