Տարածաշրջան07:31, 22 Հունվար 2019
Աֆրինը՝ Թուրքիայի բանակի ներխուժումից 1 տարի անց
Մեկ տարի առաջ հունվարի 21-ին Թուրքիայի զինված ուժերը Սիրիայի քրդական ուժերի վերահսկողության տակ գտնվող Աֆրին շրջանում սկսեցին իրականացնել «Ձիթենու ճյուղ» ռազմական գործողությունը։ Դրա հետևանքով Աֆրինը դուրս եկավ Սիրիայի քրդական ուժերի վերահսկողությունից և ներկայումս այն լիովին վերահսկվում է թուրքական զինուժի կողմից։ Բազմաթիվ երկրներ Թուրքիայի գործողություններն Աֆրինում մինչ օրս համարում են օկուպացիա։
Քրդական ANF լրատվական գործակալությունը 1 տարի անց հետաքրքրական նյութ է հրապարակել, որտեղ ներկայացնում է մի շարք վիճակագրական տվյալներ։ Ինչպես նշվում է, այն բանից հետո, երբ թուրքական ուժերը և վերջինիս դաշնակից «Սիրիայի ազատ բանակ» (Սիրիայի ընդդիմադիր ուժեր) խմբավորումը ներխուժեցին Աֆրին, տեղի բնակչության առօրյա կյանքի անդորրը խաթարվեց։
Ռազմական օպերացիայի ընթացքում եղել են բազմաթիվ դեպքեր, երբ միտումնավոր թիրախավորվել է խաղաղ բնակչությունը։ Աֆրին մտած ուժերը, նպատակ ունենալով փոխել տեղի ժողովրդագրական պատկերը, բռնի ուժով տարհանել են բազմաթիվ քուրդ ընտանիքների։ Բացի բնակչության նկատմամբ կատարած վայրագություններից, Աֆրին ներխուժած ուժերը ոչնչացրել են բազմաթիվ պատմական հուշակոթողներ, գերեզմաններ, սրբատեղիներ։
Ըստ Սիրիայի քրդական «Ժողովրդական ինքնապաշտպանական ջոկատներ»-ի (ԺԻՋ-YPG) տվյալերի՝ «Ձիթենու ճյուղ» ռազմական գործողության ընթացքում սպանվել է ավելի քան 224 խաղաղ բնակիչ, որից 51-ը՝ երեխաներ, իսկ 42-ը՝ կանայք։ Օպերացիայի ընթացքում, որը տևել է մի քանի ամիս, Սիրիայի քրդական ուժերի կանանց թևն (YPJ) էլ ունեցել է 544 կորուստ։
Ինքնապաշտպանական մարտերի ընթացքում քուրդ զինյալները որոշ ժամանակ կարողացել են դիմադրություն ցույց տալ, որի արդյունքում հաջողվել է զգալի կորուստ պատճառել Թուրքիայի բանակին և նրան սատարող ծայրահեղական ուժերին։ Քրդական կողմի տվյալներով՝ մարտի 18-ից սկսված ինքնապաշտպանական մարտերի 2-րդ փուլի ընթացքում քուրդ զինյալների հետ մարտերում հարձակվող կողմը ունեցել է 673 կենդանի ուժի կորուստ, որից 350-ը՝ «Սիրիայի Ազատ բանակից», 258-ը՝ վարձկան զինյալներ, իսկ 65-ը՝ Թուրքիայի բանակի զինվորներ։
Այս ենթաբաժնի վերջին նորությունները
Ստորգետնյա ցնցումների ուժգնությունն էպիկենտրոնում կազմել է 4.2 մագնիտուդ։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի պաշտպանության նախարարը նաև անդրադարձել է Հունաստանի կողմից 5-րդ սերնդի գերժամանակակից F-35 կործանիչներ գնելու վերաբրյալ հարցին։
Իսկ Հայաստանը մամուլի ազատության ցուցանիշով տարածաշրջանում բացարձակ առաջատարն է՝ զբաղեցնելով 43-րդ տեղը։
Լոգիստիկ կենտրոնի շնորհիվ Թուրքիան դարձել է աշխարհում 3-րդ երկիրը, որը սկսել է օգտագործել պահեստների կառավարման բարձր տեխնոլոգիական համակարգը:
Մասնավորապես նշվում է, որ Պաղեստինի վրա Իսրայելի հարձակումը հակասում է միջազգային և մարդու իրավունքերին
Պաղեստինյան «ՀԱՄԱՍ» խմբավորումը հաղորդագրություն է տարածել Արդարադատության միջազգային դատարան Իսրայելի դեմ հարուցված գործին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |