Հասարակական12:13, 03 Մայիս 2024
Թուրքիան մամուլի ազատության ցուցանիշով աշխարհում 158-րդ տեղում է
Մայիսի 3-ի մամուլի ազատության համաշխարահային օրվա առթիվ «Լրագրողներ առանց սահմանների» միջազգային կազմակերպությունը մամուլի ազատության համաշխարահին ինդեքսի վերաբերյալ զեկույց է հրապարակել։ Ըստ զեկույցի՝ Թուրքիան 180 երկրների ցանկում զբաղեցնում է 158-րդ տեղը, իսկ 2023-ին զբաղեցրել էր 165-րդ տեղը։
Իսկ Հայաստանը մամուլի ազատության ցուցանիշով տարածաշրջանում բացարձակ առաջատար է՝ զբաղեցնելով 43-րդ տեղը։ 2023-ին Հայաստանը զբաղեցնում էր 49-րդ հորիզոնականը։
«Լրագրողներ առանց սահմանների» միջազգային կազմակերպության Թուրքիայի ներկայացուցիչ Էրոլ Օնդերօղլուն անդրադարձել է զեկույցին՝ նշելով, որ Թուրքիայի առաջընթացը պատրանք է։ Ըստ նրաի՝ Թուրքիայում 3 ամիսը մեկ դատարանի առջև են կանգնում լրատվամիջոցների ավելի քան 200 ներկայացուցիչներ, իսկ նրանցից մի քանիսը դատապարտվում են կամ արդարացվում, բայց ինչպես տեսնում ենք այս դատավարությունները վերջ չունեն։
Միջանկյալ նշենք, որ Թուրքիան 2002-ին զբաղեցրել էր 99-րդ, իսկ 2016-ից մինչև 2022-ը տատանվել էր հիմնականում 151-154-րդ տեղերում։
Նշվում է, որ Թուրքիայի ընտրական գործընթացում նկատվել է հանրային հեռարձակման կողմնակալություն և տասնյակ լրագրողների ձերբակալություն։
Ըստ զեկույցի՝ անհանգստացնող է Թուրքիայում իշխող Ռեջեփ Թայիփ Էրդողանի «Արդարություն և զարգացում» (ԱԶԿ-AKP) կուսակցության վերընտրումը։ Ըստ հրապարկաված զեկույցի՝ Թուրքիան գրեթե համակարգված առցանց գրաքննության և դատական հսկողությամբ շարունակում է ձերբակալել լրագրողներին և թուլացնել լրատվամիջոցները։
Այս ենթաբաժնի վերջին նորությունները
Թուրքիայի վիճակագրական ինստիտուտը բնակչության սոցիալական պատկերի վերաբերյալ տվյալներ է հրապարակել։
Թուրքիայում իշխող կուսակցությունը հետազոտություն է իրականացրել՝ պարզելու հասարակության 2026-ի տնտեսական ակնկալիքները։
Թուրքիայի վիճակագրական կոմիտեն հրապարակել է «Սոցիալ-տնտեսական մակարդակ» ուսումնասիրության արդյունքները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Թուրքիայի վիճակագրական կոմիտեն հրապարակել է «Սոցիալ-տնտեսական մակարդակ» ուսումնասիրության արդյունքները։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Արտգործնախարարները քննարկել են Ալյասկայում կայացած Թրամփ-Պուտին հանդիպումը։
Թուրքիայի նախագահն անդրադարձել է Թրամփ-Պուտին հանդիպմանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |