Միջազգային11:27, 26 Դեկտեմբեր 2018
Բունդեսթագի զեկույցում Թուրքիայի ներխուժումը Սիրիա որակվել է որպես օկուպացիա
Գերմանիայի խորհրդարանի (Բունդեսթագ) կազմած զեկույցում Թուրքիան որակվել է որպես Սիրիան օկուպացրած երկիր։ Զեկույցում արձանագրվել է, որ Սիրիայի հյուսիսային Աֆրին, Ազեզ, Էլ Բաբ և Ջերաբլուս քաղաքներում թուրքական զինված ուժերի ներկայությունը միջազգային իրավունքի տեսանկյունից համապատասխանում է ռազմական օկուպացիայի չափանիշներին։
Ինը էջանոց զեկույցը պատրաստվել է Բունդեսթագի «Ձախերի» կուսակցության խմբակցության նախաձեռնությամբ։ Խմբակցության նախագահ Սելիմ Դաղդելենը նշել է, որ տվյալ փորձագիտական զեկույցը պետք է Գերմանիայի կառավարության համար որպես զգուշացում ծառայի։ Նա նաև քննադատել է Գերմանիայի իշխանություններին՝ Սիրիայում Թուրքիայի գործողությունները որպես միջազգային իրավունքի դրույթների ոտնահարում որակելուց խուսափելու համար։
«Իրական սկանդալ է այն, որ չնայած բոլոր մասնագիտական զեկույցներին և խորհրդարանական խմբակցությամբ ներկայացված կուսակցությունների դիրքորոշմանը՝ ՆԱՏՕ-ի դաշնակից Թուրքիայի մուտքը Սիրիայի որոշ շրջաններ և դրանց օկուպացիան դեռևս չեն գնահատվում որպես միջազգային իրավունքի խախտում»,- հայտարարել է Դաղդելենը։
Նշենք, որ Գերմանիայի կառավարությունը դատապարտել և անընդունելի էր համարել Թուրքիայի զինված ուժերի կողմից Սիրիայի Աֆրին քաղաքի դեմ հունվարին սկսված ռազմագործողությունը։ Գերմանիայի արտգործնախարար Հայկո Մաասը մարտին արած իր հայտարարության մեջ նշել էր, որ եթե թուրքական զինված ուժերը շարունակաբար մնան Սիրիայում, դա իհարկե, միջազգային իրավունքի նորմերի խախտում կլինի։ Սակայն Գերմանիայի կառավարությունը որևէ հստակ մենակաբանություն չէր արել այն մասին, թե միջազգային իրավունքի տեսանկոյւնից ինչ գնահատական պետք է տալ Աֆրինի գործողությանը։
Թուրքիան Սիրիայի տարածքում ռազմական գործողություններ իրականացնելիս հղում է կատարում ՄԱԿ-ի կանոնադրության 51-րդ հոդվածին, այն է՝ ինքնապաշտպանության իրավունքին։ Սակայն, ինչպես նշվել էր Գերմանիայի խորհրդարանի վերոնշյալ զեկույցում, Թուրքիայի կառավարությունը դեռևս չի մատնանշել Թուրքիային ուղղված որևէ իրական սպառնալիք, որը կարող էր ինքնապաշտպանական քայլեր ձեռնարկելու անհրաժեշտություն ստեղծել։
Այս ենթաբաժնի վերջին նորությունները
Ըստ այդ համաձայնագրի՝ Թուրքիան կամրապնդի դիրքերը Արևելյան Միջերկրականում ու նաև կպաշտպանի Հյուսիսային Կիպրոսի ինքնահռչակ թուրքական Հանրապետության (ՀԿԹՀ) շահերը։
Բանակցությունները տեղի կունենան հուլիսի 25-ին և կանցկացվեն փոխարտգործնախարարների մակարդակով։
Թուրքիայի տրանսպորտի և ենթակառուցվածքների նախարարը հայտնել է, որ Չինաստանից Եվրոպա մեկնող բեռնատար գնացքներն արդեն կանցնեն Թուրքիայով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Տարածաշրջանային հարցերի փորձագետ Վահրամ Հովհաննիսյանը հարցազրույց է տվել Ermenihaber.am կայքին:
Իլհամ Ալիևի դուստրերը հոլդինգի գործընկերների թվում են ու ձեռք են բերել հյուրանոցի 50% բաժնեմասը։
Թուրքիայի Հանրապետությունը 102 տարեկան է: Այդ ընթացքում մահապատժի է ենթարկվել 712 մարդ:
Նախագահները քննարկել են Գազայում տիրող իրավիճակը և տարածաշրջանային զարգացումները։
Նշվում է, որ անտառային հրդեհները չի հաջողվում մարել քամու պատճառով։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |