Ստամբուլում կկայանա Իդլիբի հարցով ՌԴ-ի, Թուրքիայի, Ֆրանսիայի ու Գերմանիայի առաջնորդների 2-րդ գագաթնաժողովը

Միջազգային12:57, 04 Դեկտեմբեր 2018

Ստամբուլում կկայանա Իդլիբի հարցով ՌԴ-ի, Թուրքիայի, Ֆրանսիայի ու Գերմանիայի առաջնորդների 2-րդ գագաթնաժողովը

Թուրքիայի նախագահ Ռեջեփ Թայիփ Էրդողանը, Ռուսաստանի նախագահ Վլաիդիմիր պուտինը, Գերմանիայի կանցլեր Անգելա Մերկելը և Ֆրանսիայի նախագահ Էմանուել Մակրոնը կրկին կհանդիպեն՝ քննարկելու Սիրիայի Իդլիբ նահանգում ստեղծված իրավիճակը և դրա հանգուցալուծման ճանապարհները:

Ռուսաստանի նախագահականի խոսնակ Դմիտրի Պեսկովը հայտնել է, որ Մոսկվան արդեն իր համաձայնությունը տվել է մասնակցել 4 երկրների ղեկավարների ձևաչափով տեղի ունենալիք 2-րդ գագաթնաժողովին:

Պեսկովն ասել է, որ ամենայն հավանականությամբ 2-րդ գագաթնաժողովը նույնպես կանցնի Ստամբուլում, քանի որ դրա մտահաղացման հեղինակը հենց Էրդողանն է:

Նշվում է, որ հանդիպմանը մասնակցելու պատրաստակամությունը հաստատել է նաև գերմանական կողմը:

Հիշեցնենք, որ նախորդ գագաթնաժողովն անցկացվել էր հոկտեմբերի 27-ին Ստամբուլում:

Գագաթնաժողովին քննարկվել էր սիրիական հակամարտությանը վերաբերող բոլոր ոլորտները, ներառյալ` ներկա իրավիճակը, Իդլիբի շուրջ համաձայնությունն ու քաղաքական գործընթացները, ինչպես նաև հստակեցնել հակամարտության մշտական լուծմանն ուղղված համատեղ շահերը:

Երկրների ղեկավարները վերահաստատել էին Սիրիայի պատերազմն ավարտելու հարցը ՄԱԿ-ի հովանու ներքո ընթացող քաղաքական բանակցություններով լուծելու անհրաժեշտությունը:

Թուրքիայի, Ռուսաստանի, Ֆրանսիայի և Գերմանիայի ղեկավարները համատեղ հայտարարությամբ տեղեկացրել էին, որ մինչև տարեվերջ կստեղծվի հատուկ կոմիտե, որի օրակարգում կլինի Սիրիայի ապագա սահմանադրությունը կազմելը:

Նախատեսվում է, որ այդպիսով հիմք է ստեղծվելու Սիրիայում ազատ և արդար ընտրություններ անցկացնելու համար:

Այս ենթաբաժնի վերջին նորությունները

16:41, 12 սեպ

Ռուսաստանի դեմ ճապոնական պատժամիջոցների ցանկում կա 2 ընկերություն Թուրքիայից

Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։

15:17, 12 սեպ

Իսրայելի պաշտոնաթող գնդապետ. «Հաջորդը կարող է լինել Թուրքիան»

Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։

12:53, 10 սեպ

Թուրքիան անհանգստացած է Տրիպոլիի շրջանում Եգիպտոսի գործողություններից

Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։