Եթե Թուրքիան ուզում է մնալ F-35 կործանիչների նախագծում, ապա պետք է հրաժարվի S-400-ներից

Միջազգային07:40, 03 Դեկտեմբեր 2018

Եթե Թուրքիան ուզում է մնալ F-35 կործանիչների նախագծում, ապա պետք է հրաժարվի S-400-ներից

ԱՄՆ-ի Սենատի զինված ուժերի կոմիտեի նախագահ Ջեյմս Ինհոֆը հայտարարել է, որ եթե Թուրքիան ցանկանում է ԱՄՆ-ի հետ միասին մնալ ՆԱՏՕ-ի երկրների մասնակցությամբ իրականացվող F-35 նոր սերնդի կործանիչների նախագծում, պետք է հրաժարվի ռուսական S-400 ՀՕՊ համակարգերի գնումից:

Այս մասին ամերիկացի բարձրաստիճան պաշտոնյան ասել է «Bloomberg» լրատվական գործակալության հետ զրույցում:

«Թուրքիան ՆԱՏՕ-ի շրջանակներում կարևոր գործընկեր է, սակայն չպետք է այդպես վարվի: Ճիշտ է, հակաօդային պաշտպանության ոլորտում կարիքներ ունի, բայց այս պահին ամենակարևորը հետևյալն է՝ Թուրքիան պետք է ընտրություն կատարի Ռուսաստանի ու Արևմուտքի միջև: Եթե շարունակի Ռուսաստանից գնել S-400 համակարգեր, ապա դա կունենա իր հետևանքները»:

ԱՄՆ-ի պաշտպանական ընկերություններից մեկի հրթիռների փորձագետ Սթիվ Զալոգան հայտարարել է, որ ՆԱՏՕ-ում մտահոգ են այն բանով, որ ռուս մասնագետները պետք է մեկնեն Թուրքիա՝ այդ երկրի մասնագետներին S-400 համակարգերի հմտություններն ուսուցանելու: Ըստ փորձագետի՝ ՆԱՏՕ-ում անհանգստացած են, որ Թուրքիայում ռուս մասնագետներին թույլ կտրվի S-400-ի թեսթավորումներ անցկացնել F-35 կործանիչների դեմ:

Հիշեցնենք, որ S-400 ՀՕՊ համակարգերի առաջին խմբաքանակի մատակարարման վերաբերյալ ռուս-թուրքական պայմանագրի համաձայն՝ դրանց 4 մարտկոցներից 2-ը Թուրքիային կմատարարարվեն 2019 թվականին: Պայմանագրի արժեքը կազմել էր 2.5 մլրդ դոլար:

Աղբյուր` Haberrturk

Այս ենթաբաժնի վերջին նորությունները

14:12, 23 հուլ

Թուրքիան և Սիրիան կստորագրեն ծովային իրավասության համաձայանգիր

Ըստ այդ համաձայնագրի՝ Թուրքիան կամրապնդի դիրքերը Արևելյան Միջերկրականում ու նաև կպաշտպանի Հյուսիսային Կիպրոսի ինքնահռչակ թուրքական Հանրապետության (ՀԿԹՀ) շահերը։