Միջազգային07:55, 21 Նոյեմբեր 2018
ԵՄ հանձնակատարներն Անկարայում կհանդիպեն Չավուշօղլուի հետ
Նոյեմբերի 22-ին Անկարայում կհանդիպեն Եվրամիության բարձրաստիճան պաշտոնյաներն և Թուրքիայի արտգործնախարար Մևլութ Չավուշօղլուն։ Այդ նպատակով Թուրքիա կմեկնեն ԵՄ արտաքին հարաբերությունների և անվտանգության քաղաքականության հարցերով գերագույն հանձնակատար Ֆեդերիկա Մոգերինին և ԵՄ ընդլայնման հարցերով հանձնակատար Յոհաննես Հահնը։
Անկարայի հանդիպման օրակարգում կլինեն Սիրիայում տիրող դրությունը, Իրանի դեմ կիրառվող տնտեսական պատժամիջոցները, ահաբեկչության դեմ պայքարը, ներգաղթյալների հիմնախնդիրը, ԵՄ–Թուրքիա հարաբերությունները և երկկողմ հետաքրքրություն ներկայացնող մի շարք այլ հարցեր։
Ակնկալվում է, որ հանդիպման ընթացքում քննարկվելիք առաջնային թեմաներից կլինեն նաև Թուրքիայում վերջին շրջանում հաճախադեպ դարձած մտավորականների և հասարակական գործիչների ձերբակալման, կալանավորման դեպքերը:
Նոյեմբերի 14-ին Թուրքիայի մասին իր հերթական զեկույցի նախնական տարբերակը Եվրախորհրդարանում ներկայացրած ԵՄ զեկուցող Քեթի Փիրին կոչ էր արել պաշտոնապես առկախել ԵՄ-Թուրքիա բանակցությունները, քանի որ Թուրքիան չի համապատասխանում «Կոպենհագենյան չափանիշներին»։
Սակայն, ինչպես լրագրողների հետ զրույցում նշել է Եվրախորհրդարանի թուրքական ֆորումի գլխավոր քարտուղար Լաուրա Բաթալլա Ադամը, այդ զեկույցը ԵՄ-ի համար պարտադիր ուժ չունի, բայց այդ՝ Եվրոպական խորհուրդն ու Եվրոպական հանձնաժողովը այս հարցում համակարծիք են Եվրախորհրդարանի հետ։
Ըստ Ադամի՝ բանակցությունների սառեցումը լուծում չի կարող լինել, անհրաժեշտ է Թուրքիա-ԵՄ հարաբերությունների վրա ազդող խնդիրների կարգավորման ճանապարհը գտնել։ Այդ տեսակետից, ըստ նրա, առաջիկայում Անկարայում կայանալիք հանդիպումը առաձնահատուկ կարևորություն ունի։
Այս ենթաբաժնի վերջին նորությունները
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |