Միջազգային11:44, 14 Նոյեմբեր 2018
Թուրքական լրատվամիջոցի դիտարկմամբ` թուրք-ամերիկյան հարաբերությունները կարգավորման միտում ունեն
Թուրքական mynet.com լրատվական կայքն անդրադաձել է թուրք-ամերիկյան հարաբերություններում նկատվող տեղաշարժերին, որոնք պայմանավորված են մի շարք իրադարձություններով։
Վերջին ժամանակաշրջանում երկու երկրի միջև հարաբերությունները սրվել էին հատկապես ամերիկացի հոգևորական Բրանսոնի կալանավորմամբ:
Թուրքիայի կողմից վերջինիս ազատ արձակվելուց հետո, ըստ կայքի, թուրք-ամերիկյան հարաբերությունները թևակոխել են կարգավորման փուլ և մինչև տարեվերջ համագործակցության աշխուժացում է սպասվում։
Բացի Բրանսոնի գործից թուրք-ամերիկյան հարաբերություններում որոշակի լարվածություն էր առաջացնում նաև ԱՄՆ կողմից Սիրիայում քրդական ուժերին աջակցություն ցուցաբերելու Թուրքիայի համար ցավոտ հանգամանքը։
Այս առումով Թուրքիայի համար գոհացուցիչ էր այն, որ ԱՄՆ-ի պետքարտուղարությունը խոստացել է պարգևատրել նրանց, ովքեր Վաշինգտոնին տեղեկություններ կտրամադրեն Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) 3 պարագլուխների՝ Դուրան Քալքանի, Ջեմիլ Բայըքի, Մուրադ Քարայըլանի գտնվելու վայրի մասին։
Թուրքիան մշտապես բողոքել է նաև իր կողմից ահաբեկչական համարվող «Ֆեթուլլահական կազմակերպության» (FETÖ-գյուլենական համայնք) դեմ պայքարում ԱՄՆ-ից պատշաճ աջակցություն չստանալու համար։
Թուրքական կայքն ընդգծել է նաև Հայաստանում ձերբակալված, ԱՄՆ ներկայացուցիչների պալատի էթիկայի հանձնաժողովից նյութեր կեղծելու ու թաքցնելու համար հետախուզման մեջ գտնվող, Թուրքիայում «Ֆեթուլլահական կազմակերպության» պարագլուխներից մեկը համարվող Քեմալ (Քևին) Օքսուզին Հայաստանի կողմից ԱՄՆ-ին արտահանձնելու հանգամանքը։
Ըստ կայքի՝ Քեմալ Օքսուզը կլինի «Ֆեթուլլահական կազմակերպության» ամենաբարձրաստիճան պարագլուխը, ով ԱՄՆ-ում կկանգնի արդարադատության առջև։ Այս հանգամանքը նույնպես թուրքական լրատվամիջոցի դիտարկմամբ դրական ազդակ կարող է հանդիսանալ թուրք-ամերիկյան հարաբերությունների համար։
Սպասվում է, որ դեկտեմբերին ԱՄՆ Կոնգրեսը կհստակեցնի նաև Թուրքիային «Պատրիոտ» համակարգերի վաճառքի հարցը։
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
Ընդդիմադիր շրջանակներում պտտվում են լուրեր, որոնց համաձայն՝ ԱԶԿ-ի ներսում լարված մթնոլորտ է տիրում:
Թուրքիայում իշխող կուսակցության հետ դաշինքի մեջ գտնվող MHP-ի առաջնորդն անդրադարձել է վերջերս Իրանի և Իսրայելի միջև ծագած լարվածությանը:
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Ի լրումն հարվածային գործառույթների՝ «KEMANKEŞ 2-» հրթիռը կարող է օգտագործվել տվյալների հավաքագրման և փոխանցման համար:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |