Ռազմական06:17, 02 Հոկտեմբեր 2018
Թուրքիան 2019-ին կարող է ստանալ ևս 2 հատ F-35 կործանիչ
![Թուրքիան 2019-ին կարող է ստանալ ևս 2 հատ F-35 կործանիչ](https://www.ermenihaber.am/news_images/47/138134_2/detay1538456471.jpg)
Չնայած թուրք-ամերիկյան հարաբերությունների լարվածությանը, այնուամենայնիվ ԱՄՆ-ն չի բացառում, որ Թուրքիան 2019թ. մարտին կստանա ևս 2 հատ F-35 տեսակի նոր սերնդի կործանիչ։ Թուրքիան 2 նման ինքնաթիռ ստացել էր այս տարվա հունիսին։
«Կարծում ենք, որ 2019թ. մարտին ևս 2 ինքնաթիռ կհանձնվի»,-ասել է «F-35» նախագծի փոխտնօրեն Մեթ Վինթերը և նշել, որ 100 միավոր F-35-ների մատակարարման վերաբերյալ այս պահին դեռ որևէ հստակ բան չկա:
Անդրադառնալով հարցին, թե երբ պետք է Պենտագոնը զեկույց պատրաստի թուրք-ամերիկյան հարաբերությունների մասին, ամերիկացի պաշտոնյան հավելել է, որ այն պատրաստ կլինի առաջիկա 90 օրվա ընթացքում։
Նշենք, որ 90 օրվա ընթացքում Պենտագոնը պետք է Կոնգրեսին ներկայացնի թուրք-ամերիկյան հարաբերությունների ներկայիս վիճակի մասին մանրամասն զեկույց: Դրանում պետք է ներկայացված լինի նաև այն, թե ինչպես կանդրադառնա ռուսական S-400 զենիթահրթիռային ՀՕՊ համակարգերի ռուս-թուրքական գործարքը թուրք-ամերիկյան հարաբերությունների վրա։
ԱՄՆ-ն նախատեսում էր այդպիսի 100 ինքնաթիռ վաճառել Թուրքիային, բայց թուրք-ամերիկյան հարաբերությունների ճգնաժամի պատճառով նախագահ Դոնալդ Թրամփը ժամանակավորապես դադարեցրել է F-35 կործանիչների մատակարարումն Անկարային։
Լարված հարաբերությունների պատճառը հիմնականում այն է, որ Թուրքիան ազատ չի արձակում ամերիկացի հոգևորական Էնդրյու Բրանսոնին, ով մեղադրվում է Թուրքիայում ահաբեկչական կառույցների հետ կապ ունենալու մեջ։ Մյուս պատճառն այն է, որ Թուրքիան Ռուսաստանից պատրաստվում է գնել ռուսական S-400 զենիթահրթիռային ՀՕՊ համակարգերը։
Այս ենթաբաժնի վերջին նորությունները
![Յաշար Գյուլերը հանդիպել է Պենտագոնի ղեկավարի հետ](https://www.ermenihaber.am/news_images/93/278001_2/yasar_guler_aa_2243076.thumb.jpg)
Թուրքիայի պաշտպանության նախարարը Բելգիայի մայրաքաղաք Բրյուսելում կմասնակցի ՆԱՏՕ-ի պաշտպանության նախարարների հանդիպմանը։
![Թուրքիան հաստատել է ԱՄՆ-ի հետ ստորագրած պայմանագիրը F16 կործանիչների ձեռքբերման վերաբերյալ](https://www.ermenihaber.am/news_images/93/277947_2/805451image1.thumb.jpg)
Այսպիսով կիրականացվի 23 մլրդ դոլար արժողությամբ 40 միավոր նոր F-16 Block 70 կործանիչներ ներառող ռազմական վաճառքի փաթեթը։
![ԱՄՆ-ի բանակը համալրվում է թուրքերենի մասնագետներով](https://www.ermenihaber.am/news_images/93/277838_1/849849.thumb.jpg)
Թուրքական մեդիայում տարածվող լուրերի համաձայն՝ որպես պահանջվող հմտություն նշվել է կառավարության անդամի և կամ հոգևոր առաջնորդի նման խոսելու կարողությունը:
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքական լրատվամիջոցները հաղորդում են, որ գագաթնաժողովի բացման նստաշրջանի իր ելույթում Ֆիդանը խոսելու է Ուկրաինայի հակամարտության տարածաշրջանային և գլոբալ հետևանքների մասին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |