Միջազգային13:12, 15 Օգոստոս 2018
ԱՄՆ Պետքարտուղարության և Սպիտակ տան արձագանքը՝ թուրք-ամերիկյան լարվածությանը
Սպիտակ տան մամուլի խոսնակ Սարահ Սանդերսը հայտարարել է, որ ԱՄՆ նախագահ Դոնալդ Թրամփին հիասթափեցրել է այն փաստը, որ Թուրքիան ազատ չի արձակել ամերիկացի հոգևորական Բրանսոնին, ԱՄՆ գլխավոր հյուպատոսության կալանավորված աշխատակիցներին (Մեհմեթ Թոփուզը մեղադրվել է Թուրքիայում ահաբեկչական համարվող գյուլենական շարժման հետ կապեր ունենալու մեջ) և ամերիկացի այլ քաղաքացիների:
«Թրամփը շատ զայրացած է Թուրքիայի այդ վարմունքից»:
Սանդերսն ասել է, որ շարունակելու են հորդորել Թուրքիային ազատ արձակել ԱՄՆ վերոնշյալ քաղաքացիներին:
Մամուլի քարտուղարը նաև անդրադարձել է Սպիտակ տան ազգային անվտանգության հարցերով խորհրդական Ջոն Բոլթոնի և ԱՄՆ-ում Թուրքիայի արտակարգ և լիազոր դեսպան Սերդար Քըլըչի հանդիպմանը: Բոլթոնը հանդիպման ընթացքում Քըլըչին իր մտահոգությունն է հայտնել Թուրքիայում բանտարկված ԱՄՆ քաղաքացիների հարցի կապակցությամբ:
Իսկ ԱՄՆ-ի Պետքարտուղարության մամլո խոսնակ Հեդեր Նյուերթը օգոստոսի 15-ին կայացած ասուլիսի ժամանակ ուշադրություն է հրավիրել մի քանի հարցերի վրա:
Պետքարտուղարության խոսնակը հայտարարել է. «Թուրքիայում տեղի ունեցած իրադարձությունները շատ հեռու են ԱՄՆ-ի արտաքին քաղաքականությունից, ձեռնարկած միջոցառումներից և մեխանիզմներից: Տնտեսագետները ևս ձեզ նույնը կփաստեն»:
Հերդեր Նյուերթը, անդրադառնալով Թուրքիայի նախագահ Ռեջեփ Թայյիփ Էրդողանի՝ ամերիկյան էլեկտրոնային արտադրանքների դեմ բոյկոտի որոշմանը, ասել է. «Չեմ կարող հաստատել, որ դա ճիշտ է: Որպեսզի հասկանք սա ռեալ քաղաքականություն է, թե ոչ, պետք է սպասենք»:
Հիշեցնենք, որ լարված հարաբերությունների պատճառով ԱՄՆ-ն ևս մեկ պատժամիջոց էր կիրառել Թուրքիայի դեմ։ Արգելվել էին Թուրքիայի արդարադատության նախարար Աբուլհամիթ Գյուլի և ներքին գործերի նախարար Սուլեյման Սոյլուի մուտքն ԱՄՆ։ Պատճառն այն էր, որ Թուրքիայում շարունակում է կալանավորված մնալ ամերիկացի հոգևորական Էնդրյու Բրանսոնը: Վերջինս մեղադրվում է Թուրքիայում ահաբեկչական համարվող կառույցների հետ կապ ունենալու մեջ:
Այս ենթաբաժնի վերջին նորությունները
Ըստ այդ համաձայնագրի՝ Թուրքիան կամրապնդի դիրքերը Արևելյան Միջերկրականում ու նաև կպաշտպանի Հյուսիսային Կիպրոսի ինքնահռչակ թուրքական Հանրապետության (ՀԿԹՀ) շահերը։
Բանակցությունները տեղի կունենան հուլիսի 25-ին և կանցկացվեն փոխարտգործնախարարների մակարդակով։
Թուրքիայի տրանսպորտի և ենթակառուցվածքների նախարարը հայտնել է, որ Չինաստանից Եվրոպա մեկնող բեռնատար գնացքներն արդեն կանցնեն Թուրքիայով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Տարածաշրջանային հարցերի փորձագետ Վահրամ Հովհաննիսյանը հարցազրույց է տվել Ermenihaber.am կայքին:
Türkiye gazetesi. «Կքննարկվի Հարավային Կովկասում Հայաստանի ու Ադրբեջանի միջև ժամանակ առ ժամանակ աճող լարվածությունը»։
Թուրքիայի Հանրապետությունը 102 տարեկան է: Այդ ընթացքում մահապատժի է ենթարկվել 712 մարդ:
Մանրամասները ներկայացնում է «Hürriyet» թերթի լրագրող Աբդուլքադիր Սելվին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |