Տնտեսական11:56, 10 Օգոստոս 2018
Թուրքական ընկերությունը ներկայացրել է տեղական արտադրության նոր էլեկտրաշոկ-զենքը
Թուրքական «Albayraklar» ընկերությունների խումբը ներկայացրել է հեռահար էլեկտարշոկային ազդեցություն ունեցող «Wattozz» մակնիշի նոր էներգետիկ զենքի լուսանկաները։ Թուրքական ռազմարդյունաբերական ընկերության նախագահ Ադնան Ալբայրաքի խոսքով՝ լիովին տեղական հումքով արտադրված այդ զինատեսակը ոչնչով չի զիջում իր ամերիկյան նախատիպին՝ «Taser» զինատեսակին։
«Որոշ ժամանակ առաջ Թուրքիան անգամ հետևակային հրացաններն էր օտար արտոնագրով արտադրում, սակայն վերջին 15-16 տարվա ընթացքում որոշ բաներ են փոխվել։ Մենք արդեն մի երկիր ենք, որն աշխարհին ռազմական ուղղաթիռ ու անօդաչու թռչող սարքեր է վաճառում։ Մեր արտադրած «Wattozz» էներգետիկ զենքն էլ դրա վառ ապացույցներից մեկն է։ Այն իր նմանը չունի ողջ աշխարհում, արտադրված է բոլորովին տարբեր տեխնոլոգիաներով և լիովին տեղական հումքով», - նշել է Ալբայրաքը։
Նա հույս է հայտնել, որ առաջիկայում անվտանգության ուժերը կսկսեն հրազենային զենքերի փոխարեն կիրառել այս զինատեսակը, ինչը մեծապես կնվազեցնի ծանր վիրավորումների ու սպանությունների դեպքերը։ «Albayraklar»-ի տնօրենը հավատացած է, որ ոստիկանների միջազգային կազմակերպությունը ևս շուտով կդադարի օգտագործել ամերիկյան համանման «Taser» զինատեսակը և նախապատվությունը կտա «Wattozz»-ին։ Ալբայրաքի խոսքով՝ ամերիկյան «Taser»-ը չափազանց ռիսկային է և մի շարք թերություններ ունի։
Թուրքական «Wattozz»-ն արդեն նախապատրաստվում է մասսայական արտադրության, ինչից հետո կմատակարարվի տարբեր երկրների։ Զենքը վաճառվելու է ամերիկյան նախատիպի համեմատ ավելի մատչելի գնով:
Այս ենթաբաժնի վերջին նորությունները
Թուրքիայի նախագահը նաև անդրադարձել է ռուս-ուկրաինական հակամարտությանը։
Դամասկոսում Թուրքիայի դեսպանը նշել է, որ պաշտոնական Անկարան պատրաստ է ավելի ակտիվ դեր ստանձնել Սիրիայի վերականգնման գործընթացում
Նախատեսվում է, որ ատոմակայանի առաջին բլոկը կսկսի էլեկտրաէներգիա արտադրել 2026-ին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գործընթացը մեկնարկել է հուլիսի 11-ին Իրաքի հյուսիսում գտնվող Սուլեյմանիե նահանգում:
Տեղացիները նշում են, որ նախկինում գյուղից-գյուղ գնում էին նավակով, իսկ այժմ՝ ոտքով։
Դատարանը հայտնել է, որ խնդրի վերաբերյալ նախնական որոշում կկայացվի մինչև 2025-ի օգոստոսի 8-ը։
«Թուրքիայի նպատակները և տարածաշրջանային ներկայությունը երկար ժամանակ սպառնալիք է ստեղծելու Իսրայելի անվտանգության համար»:
Թուրքիայի նախագահը նաև անդրադարձել է ռուս-ուկրաինական հակամարտությանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |