Անգլիայում մեծացել է զբոսաշրջության պահանջարկը դեպի Թուրքիա

Հասարակական09:21, 09 Օգոստոս 2018

Անգլիայում մեծացել է զբոսաշրջության պահանջարկը դեպի Թուրքիա

Թուրքիայի ազգային արժույթի՝ թուրքական լիրայի օրեցօր արժեզրկումը հանգեցրել է այդ երկիր մեկնող զբոսաշրջիկների թվի աճին: Անգլիական խոշոր տուրիստական գործակալություններից «Thomas Cook»ը տեղեկացնում է, որ 2017թ. համեմատ Թուրքիայում արված ամրագումների թիվն այս տարի աճել է 63%-ով: Բացի այդ նշվում է, որ Անթալիայի ծովափնյա հանգստավայրերը նույնիսկ գերազանցել են տուրիստական մեծաթիվ փաթեթներ սպառող իսպանական Պալմա դե Մալլորկա կղզուն:

Անգլիայում մեծացել է զբոսաշրջության պահանջարկը դեպի Թուրքիա: 2018թ. հունիսին գրանցված տվյալներով՝ ամենաշատ զբոսաշրջիկներ Թուրքիա ուղարկած երկրների ցանկում Անգլիան զբաղեցրել է երրորդ տեղը (306.647 զբոսաշրջիկ):

2016թ. հունիս ամսին Անգլիայից Թուրքիա այցելող զբոսաշրջիկների թիվը կազմում էր 233.686, 2017թ.՝ 210.757: Իսկ վերջին 6 ամսվա ընթացքում Թուրքիա մեկնած անգլիացի զբոսաշրջիկների թիվը հասել է 858.055-ի: Նույն այդ հաշվետու ժամանակահատվածում 2016թ. անգլիացի զբոսաշրջիկների թիվը եղել էր 693.000, իսկ 2017թ.՝ 693.081:

Ի դեպ, վերջին մեկ տարում անգլիական ֆունտ ստերլինգի նկատմամբ թուրքական լիրան արժեզրկվել է ավելի քան 35% տոկոսով:

Աղբյուր` HaberTurk

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։