Թուրքիայի ազգայնական «İYİ» կուսակցությունը նոր նախագահ կունենա

Քաղաքական07:31, 23 Հուլիս 2018

Թուրքիայի ազգայնական «İYİ» կուսակցությունը նոր նախագահ կունենա

Թուրքիայի ընդդիմադիր ազգայնական «Լավ» կուսակցության (İYİ) նախագահ Մերալ Աքշեները հայտարարել է կուսակացության համագումար ժողով հրավիրելու մասին։ Համագումար ժողովի օրակարգում կուսակցության նոր նախագահի ընտրությունն է լինելու:

Աքշեները որոշման մասին հայտնել է «Twitter»-ում գրառում անելով: Նա նշել էր, որ օգտվում է կուսակցության կանոնադրությամբ իրեն տրված լիազորություններից և հրավիրում է համագումար ժողով: Նա հրաժարվել է իր թեկնածությունն առաջադրել, միաժամանակ հաջողություն է մաղթել թեկնածու գործընկերներին:

Նշվում է, որ Մերալ Աքշեներն այս որոշմանն էր հանգել կուսակիցների հետ աշխատանքային հանդիպումից հետո, որտեղ բանավեճ էր ծագել հունիսի 24-ի խորհրդարանական ընտրություններում կուսակցության ցուցադրած արդյունքի շուրջ։ Աքշեները հանդիպման ժամանակ ծագած վեճի պատճառով ելույթը կիսատ էր թողել և վերադարձել, երբ կրքերը հանդարտվել էին:

Նշվում է, որ համագումար ժողովը տեղի կունենա օգոստոսի 12-ին։

Աղբյուր` Sabah

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: