Թուրքիայում կուսակցություններից մեկը «Google»-ի միջոցով յուրօրինակ գովազդային արշավ է իրականացնում

Քաղաքական12:17, 05 Հունիս 2018

Թուրքիայում կուսակցություններից մեկը «Google»-ի միջոցով յուրօրինակ գովազդային արշավ է իրականացնում

Թուրքիայի ազգայնական «İyi» (Լավ) կուսակցությունը նախընտրական քարոզարշավի շրջանակներում «Google» որոնողական համակարգում յուրօրինակ գովազդային արշավ է իրականացնում:

Թուրքական «Google»-ում որոնվող որոշ բառերի դեպքում արդյունքների առաջին տողերում հայտնվում են կուսակցության գովազդները, որոնք էլ իրենց մեջ ուշագրավ ուղերձներ են պարունակում:

Մասնավորապես, Թուրքիայի իշխող «AKP» (Արդարություն և զարգացում կուսակցություն) կուսակցության անունը գրելիս որոնողական համակարգում առաջին տողում հայտնվում է «արդեն դրանից լավն էլ կա» արտահայտությունը` «İyi» կուսակցության կայքէջի հղմամբ:

Բացի այդ, կուսակցության գովազդի շրջանակներում «դատարկ սենյակ» որոնող թուրք օգտատարերին առաջարկվում է «1150 սենյակ ունեցող նախագահական նստավայրը», իսկ «անվճար VPN» (ծրագիր, որի միջոցով օգտատերի IP-ն փոխվում է) բառերը գրողները ստանում են «VPN-ի վրա փող մի ծախսեք. շուտով երկրում ինտերնետի ազատություն կլինի» պատասխանը:

«Երիտասարդություն» բառով որոնում կատարողներն էլ առաջին տողում հանդիպում են «կառավարության կողմից մոռացված հատված. դուք արդեն մենակ չեք» արդյունքին: Նշենք, որ վերոնշյալ բոլոր ուղերձներն ուղեկցվում են «İyi» կուսակցության կայքէջի հղումով:

Աղբյուր` Gazeteduvar

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։