Սոցհարցում Թուրքիայում. քրդամետ կուսակցությունը կհաղթահարի ընտրական շեմը

Քաղաքական10:22, 04 Հունիս 2018

Սոցհարցում Թուրքիայում. քրդամետ կուսակցությունը կհաղթահարի ընտրական շեմը

ORC հետազոտական ընկերությունը հունիսի 24-ին Թուրքիայում կայանալիք նախագահական և խորհրդարանական ընտրություններին ընդառաջ սոցհարցում է անցկացրել:

Հարցմանը մասնակցել է ընտրելու իրավունք ունեցող 3410 քաղաքացի:

Ըստ արդյունքների՝ 53.4 տոկոսը նախագահական ընտրություններում քվեարակելու է գործող նախագահ Ռեջեփ Թայիփ Էրդողանի օգտին: Ընդդիմադիր քեմալական «Ժողովրդահանրապետկան» կուսակցության թեկնածու Մուհարրեմ Ինջեն (CHP-ԺՀԿ) ստացել է հարցման մասնակիցների 23.8 տոկոսի աջակցությունը: Ազգայնական «İyi» կուսակցության («Լավ») առաջնորդ Մերալ Աքշեների թեկնածությունը պաշտպանել է 11.5 տոկոսը:

Քրդամետ ընդդիմադիր «Ժողովուրդների դեմոկրատական կուսակցության» (HDP-ԺԴԿ) նախկին համանախագահ Սելահաթթին Դեմիրթաշը, որն այժմ ձերբակալված է, վայելում է հարցվածների 8.7 տոկոսի աջակցությունը:

Խորհրդարանական ընտրությունների վերաբերյալ սոցհարցման արդյունքներով կրկին առաջատար է ներկայիս իշխանությունը: 52.8 տոկոսը ձայն է տալու «Հանրապետական դաշինքին», որի մեջ ներգրավված են իշխող «Արդարություն և զարգացում կուսակցությունը» (AKP-ԱԶԿ) և «Գորշ գայլեր» ահաբեկչական խմբավորման քաղաքական թևը համարվող «Ազգայնական շարժում կուսակցությունը» (MHP-ԱՇԿ):

Իսկ «Ազգ դաշինքը», որը կազմված է ընդդիմադիր 4 կուսակցություններից, ստացել է 35.6 տոկոսի աջակցությունը: Ըստ այս հարցման արդյունքների՝ ընտրական շեմը կհաղթահարի քրդամետ ԺԴԿ-ն: Այն ստացել է հարցվածների 10.9 տոկոսի քվեն:

Աղբյուր` Demokrathaber

Այս ենթաբաժնի վերջին նորությունները

11:15, 21 մայ

Էրդողանը Բուդապեշտում կմասնակցի ԹՊԿ-ի ոչ պաշտոնական գագաթնաժողովին

Նախատեսվում է նաև, որ Թուրքիայի նախագահը մի շարք երկկողմ հանդիպումներ կունենա:

11:07, 21 մայ

ԱՄՆ-ի և Թուրքիայի ամուր հարաբերությունները նոր դարաշրջանում են

ԱՄՆ Պետքարտուղարության մամուլի խոսնակը գրավոր հայտարարություն է տարածել թուրք-ամերիկյան աշխատանքային խմբի հանդիպման վերաբերյալ։

10:56, 21 մայ

Բարձրաստիճան թուրք զինվորականը Դամասկոսում է

Թուրքիայի պաշտպանության նախարար և անվտանգության վարչության ղեկավար, գնդապետ Իլքայ Ալթընդաղը հանդիպել է Սիրիայի պաշտպանության նախարար Մուրհեֆ Քասրայի հետ: