Քաղաքական11:19, 01 Հունիս 2018
Դեմիրթաշ. «Հայերը Դիարբեքիրի ոչ թե հյուրերն են, այլ բնիկները»
Թուրքիայի քրդամետ «Ժողովուրդների դեմոկրատական կուսակցության» (ԺՀԿ-HDP) նախկին համանախագահ Սելահաթթին Դեմիրթաշը, ով այժմ գտնվում է բանտում, հարցազրույց է տվել «Ակոս» պարբերականին։
Դրա ընթացքում Դեմիրթաշը անդրադարձել է Դիարբեքիր քաղաքում հայերի պատմությանը, ինչպես նաև հայ պատգամավոր Գարո Փայլանին։ Վերջինս մասնակցելու է Թուրքիայում հունիսի 24-ին կայանալիք արտահերթ խորհրդարանական ընտրություններին։ Նա Դիարբեքիրից է առաջադրվել որպես պատգամավորի թեկնածու։
«Ակոսի»-ի թղթակից Ույգար Գյուլթեքինի հետ զրույցում Դեմիրթաշը մասնավորապես ասել է .
«Գարոն Դիարբեքիրին է վայել, իսկ Դիարբեքիրը՝ Գարոյին։ Դիարբեքիրում նախկինում շատ մշակույթներ և ինքնություններ կային։ Դիարբքիրից Գարոյի պատգամավոր լինելը տխուր պատմությանը տրված ամբողջական պատասխան է։ Համոզված եմ Դիարբեքիրի ժողովուրդը Գարոյին կհյուրընկալի պատմական գիտակցությամբ և ոգևորվածությամբ։ Գարոն Դիարբեքիրի համար օտար չէ։ Հավատում եմ, որ նրա և Դիարբեքիրի երիտասարդների միջև կստեղծվի լավ հաղորդակցություն։ Իրեն հաջողություն եմ մաղթում։ Հայերը Դիարբեքիրի ոչ թե հյուրերն են, այլ բնիկները»։
Դեմիրթաշը նաև ասել է, որ անցյալում Դիարբեքիրը բազմազգ բնակավայր էր, և նույնիսկ իր մանկության ժամանակ հայեր կային այնտեղ։ Ըստ նրա՝ բացի Հայոց ցեղասպանությունից, տեղի հայերի արտագաղթի պատճառ դարձավ նաև Թուրքիայում 1980-90թթ. տեղի ունեցած իրադարձությունները։ Բռնաճնշումների հետևանքով հայերը լքեցին իրենց բնակավայրերը։
Այս ենթաբաժնի վերջին նորությունները
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Արտգործնախարարները քննարկել են Ալյասկայում կայացած Թրամփ-Պուտին հանդիպումը։
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Թուրքիայի վիճակագրական ինստիտուտը բնակչության սոցիալական պատկերի վերաբերյալ տվյալներ է հրապարակել։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |