Մակրոնը զորակցել է Էրդողանին բռնապետ անվանած «Le Point» ամսագրին

Քաղաքական06:23, 29 Մայիս 2018

Մակրոնը զորակցել է Էրդողանին բռնապետ անվանած «Le Point» ամսագրին

Ֆրանսիայի նախագահ Էմանուել Մակրոնն աջակցություն է հայտնել «Le Point» հանդեսին, որի շապիկին հայտնվել էր Թուրքիայի նախագահ Ռեջեփ Թայիփ Էրդողանի լուսանկարը՝ «բռնապետ» գլխագրով:

Ֆրանսիայի Ավինգոն քաղաքում տեղի թուրքական համայնքը բողոքի ակցիա էր կազմակերպել, որի ժամանակ տարբեր տեղերի ցուցափեղկերից ապօրինաբար հանել են ամսագրի վերջին համարի մասին ծանուցող ազդագրերը:

Այդ կապակցությամբ խիստ դժգոհություն է հայտնել Մակրոնը՝ «Twitter»-ում գրելով. «Ֆրանսիայում խիստ անընդունելի է Le Point հանդեսի ազդագրերի հետ այդ կերպ վարվելը, ինչ է թե դրանք դուր չեն գալիս ազատության թշնամիներին։ Մամուլի ազատությունը անգին է։ Եթե մամուլի ազատություն չլինի, ապա կլինի բռնապետություն»։

Հիշեցնենք, որ թեմայի առնչությամբ մեկնաբանություն էր արել նաև Թուրքիայի նախագահ Ռեջեփ Թայիփ Էրդողանի մամուլի խոսնակ Իբրահիմ Քալընը։

«Մենք լավ գիտենք նմանատիպ հարձակումների նպատակը։ Արդեն անցել են այն օրերը, երբ Թուրքիան ձեզանից հրահանգ էր ստանում։ «Բռնապետ» ասելով՝ դուք այլևս չեք կարող հետ բերել այդ օրերը»:

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։