Էրդողանը աշխատանքից հեռացրել է ընդդիմադիր թեկնածուի հետ հանդիպած դեկանին

Քաղաքական08:34, 25 Մայիս 2018

Էրդողանը աշխատանքից հեռացրել է ընդդիմադիր թեկնածուի հետ հանդիպած դեկանին

Թուրք դեկանը աշխատանքից հեռացվել է՝ ընդդիմադիր «Ժողովրդահանրապետական» կուսակցության (ԺՀԿ–CHP) նախագահի թեկնածու Մուհարրեմ Ինջեի հետ հանդիպելու պատճառով։

Ինջեն այցելել է Ստամբուլի համալսարանի Ջերահփաշայի բժշկական ֆակուլտետ, այնուհետև հանդիպում ունեցել նույն ֆակուլտետի դեկան Ալաաթթին Դուրանի հետ։ Այդ հանդիպումից հետո Թուրքիայի նախագահ Ռեջեփ Թայիփ Էրդողանի որոշմամբ Դուրանը հեռացվել է աշխատանքից։

Ընդդիմադիր թեկնածուն Twitter-ում թեմայի վերաբերյալ հետևյալ հրապարակումն է արել․ «Ստամբուլի համալսարանը մասնատած իշխանությունը այսօրվա մեր այցից հետո աշխատանքից հեռացրել է Ջերահփաշայի բժշկական ֆակուլտետի դեկանին։ Այդ պատճառով եմ ես նախագահի թեկնածու առաջադրվել, որպեսզի երկրի փայլուն ուղեղների ճակատագիրը մեկ անձի շրթունքների շարժումից կախված չլինի»։

Ինջեն խոստացել է, որ հունիսի 24-ի ընտրություններից հետո Թուրքիայում կլինեն ազատ համալսարաններ, համալսարանների ռեկտորներն ու դասախոսները կնշանակվեն ոչ թե մեկ անձի կողմից, այլ հենց համալսարանների կողմից։

«Երիտասարդներ, ուսանողներ, զավակներս, դուք այս երկրի լուսավոր ապագան եք։ Իմ նախագահության օրոք ձեր ապագան հենց դուք կորոշեք, գիտությունը կորոշի, այլ ոչ թե մեկ մարդու անձնական և քաղաքական կրքերը», - նկատել է Ինջեն։

Հավելենք, որ աշխատանքից հեռացված դեկան Դուրանին աջակցելու նպատակով Ջերահփաշայի ուսանողական կազմը բողոքի ակցիաներ է սկսել։

Աղբյուր` Sputnik Türkiye

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։