Թուրքիայում Էրդողանի դեմ արշավ է սկսվել․ ՀԵՐԻՔ Է

Քաղաքական07:30, 10 Մայիս 2018

Թուրքիայում Էրդողանի դեմ արշավ է սկսվել․ ՀԵՐԻՔ Է

Թուրքիայում նախագահ Ռեջեփ Թայիփ Էրդողանի հրաժարականը պահանջող հասարակական շարժում է սկսվել։ Էրդողանը ղեկավարում է նաև իշխող «Արդարություն և զարգացում» կուսակցությունը (ԱԶԿ-AKP):

Շարժման առիթ է դարձել կուսակցական ժողովի ժամանակ Էրդողանի արած հետևյալ հայտարարությունը․ «Մեզ Ստամբուլի քաղաքապետի, վարչապետի և հանրապետության նախագահի պաշտոններին ժողովուրդն է բերել։ Եվ եթե նրանք ասեն՝ «հերիք է», ապա մենք մի կողմ կքաշվենք»։

Թուրքիայի նախագահի այս հայտարարությունը «Twitter»-ի թուրք օգտատերերի շրջանում դարձել է ամենաառաջնային ու թեժ թեման:

Էրդողանի հայտարարությանն ի պատասխան «Հերիք է» (#Tamam) կոչով և համապատասխան հեշթեգով գրառումների թիվը մայիսի 9-ի դրությամբ հատել է 1 միլիոն 400․000-ի սահմանը։ Արշավը տարածվել է նաև Facebook-ում, այլ սոցիալական հարթակներում և անգամ օնլայն տիրույթից դուրս՝ վերածվելով երթերի ու բողոքի ակցիաների։

Արշավին միացած օգտատերերի շարքերում են նորաստեղծ «İYİ» կուսակցության նախագահ, Թուրքիայի նախագահի թեկնածու Մերալ Աքշեները, քրդամետ ընդդիմադիր «Ժողովուրդների դեմոկրատական» կուսակցությունից (ԺԴԿ-HDP) նախագահի թեկնածու Սելահաթթին Դեմիրթաշը, ԺԴԿ հայ պատգամավոր Գարո Փայլանը, ընդդիմադիր «Ժողովրդահանրապետական» կուսակցության (ԺՀԿ-CHP) պատգամավոր, նախագահի թեկնածու Մուհարրեմ Ինջեն, ընդդիմադիր «Cumhuriyet» թերթի թղթակից Օզգյուր Մումջուն և մի շարք այլ հայտնի անուններ։

Իշխող կուսկացությունն այդ արշավը կասեցնելու համար սոցիալական ցանցերի կեղծ հաշիվներից տարածել է #devam #ErdoğanileDevam («Շարունակենք Էրդողանի հետ») հեշթեգով հրապարակումներ, որոնց թիվը կարճ ժամանակում հասել է 300․000-ի։ Սակայն «շարունակել» կոչով բոլոր գրառումները մեկ օրում հեռացվել են Twitter-ի ադմինիստրացիայի կողմից։ Ինչպես պարզվել է՝ դրանց հեռացման պատճառը եղել է հրապարակող հաշիվների կեղծ լինելը։

Աղբյուր` Cumhuriyet

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: