Թուրքիայի արտգործնախարարը սպառնացել է ԱՄՆ-ին

Քաղաքական08:56, 07 Մայիս 2018

Թուրքիայի արտգործնախարարը սպառնացել է ԱՄՆ-ին

Թուրքիայի արտգործնախարար Մևլութ Չավուշօղլուն «CNN Turk»-ին տված հարցազրույցում անդրադարձել է ԱՄՆ-ի հնարավոր պատժամիջոցներին, եթե պաշտոնական Անկարան Ռուսաստանից գնի «S-400» ՀՕՊ համակարգերը։

«Եթե մեր դեմ բացասական քայլ անեն, մենք դրա պատասխանը կտանք։ Սակայն մենք դա չենք ցանկանում։ Ինչո՞ւ հասնենք նման իրավիճակի։ Վաշինգտոնը պետք է հրաժարվի իր այս դիրքորոշումից։ Մեզ հետ պատժամիջոցների և սպառնալիքների լեզվով խոսելը ճիշտ չէ։ Մենք փորձում ենք թուրք-ամերիկյան հարաբերությունները կարգավորել, բայց եթե ամերիկյան կողմը նման քայլեր իրականացնի, Թուրքիայից պատասխան կստանա անշուշտ։ Արդեն հին Թուրքիան չկա, և դա պետք է բոլորը տեսնեն»,-նշել է Չավուշօղլուն։

Վերջինս նաև դժգոհել է, որ ԱՄՆ-ի որոշ կոնգրեսականներ օրինագիծ են ներկայացրել, որով նախատեսվում է կասեցնել ամերիկյան արտադրության «F-35» նոր սերնդի կործանիչների մատակարարումը Թուրքիային։

Թուրքիայի արտգործնախարարը հայտնել է, որ շուտով կայանալու է իր և Թուրքիայի նախագահ Ռեջեփ Թայիփ Էրդողանի հանդիպումը ԱՄՆ-ի պետքարտուղար Մայք Պոմպեոյի հետ: Այդ ժամանակ էլ կքննարկվեն վերոնշյալ խնդիրները։

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։