Թուրքական 4 ընդդիմադիր կուսակցություններ համաձայնության են եկել նախընտրական դաշինքի շուրջ

Քաղաքական10:03, 02 Մայիս 2018

Թուրքական 4 ընդդիմադիր կուսակցություններ համաձայնության են եկել նախընտրական դաշինքի շուրջ

Թուրքական իշխող «Արդարություն և զարգացում» (AKP) և «Ազգայնական շարժում» կուսակցությունների՝ համապետական ընտրություններին դաշինքով մասնակցելու որոշումից հետո ընդդիմադիր դաշտում ևս դաշինքների են գնում: Գլխավոր ընդդիմադիր Ժողովրդահանրապետական» (CHP) կուսակցությունը, «İYİ» կուսակցությունը, «Դեմոկրատ» կուսակցությունը (DP) և «Երջանկություն» (SP) կուսակցությունը սկզբունքային համաձայնության են եկել Թուրքիայում սպասվող նախագահական և խորհրդարանական ընտրություններին դաշինքով մասնակցելու շուրջ:

Համաձայն դեռևս չստորգրված դաշինք կազմելու վերաբերյալ արձանագրության՝ ընտրությունների առաջին փուլում ընդդիմադիր կուսակցություններից յուրաքանչյուրն առաջադրելու է իր թեկնածուին, իսկ երկրորդ փուլում բոլորը պետք է աջակցեն նրանցից ամենաշատ ձայներ ստացած թեկնածուին: Նշվում է, որ կուսակցությունները դաշնակցելու են նաև խորհրդարանական ընտրություններում: Այս դեպքում էլ կուսակցություններից յուրաքանչյուրը պատգամավորների իր թեկնածուներին կառաջադրի, սակայն որոշ տեղերում առավելագույն արդյունք ստանալու համար բոլորը կպաշտպանեն տվյալ տեղում առավել ուժեղ պատգամավորի թեկնածությունը: Թուրքիայում հունիսի 24-ին նախատեսված վաղաժամ ընտրություններին մասնակցության հայտերի վերջին ժամկետը մայիսի 6-ն է:

Հիշեցնենք, որ արտահերթ ընտրությունների մասին որոշումը կայացվել էր պարբերաբար երկարաձգվող «արտակարգ դրության» ռեժիմի՝ ևս 3 ամսով երկարացնելու մասին որոշումից ժամեր առաջ։ Այդ որոշման համաձայն՝ նախագահական և խորհրդարանական ընտրությունները կանցկացվեն նախապես հայտարարված տարեթվից գրեթե 18 ամիս առաջ՝ 2018-ի հունիսի 24-ին։

Աղբյուր` Hurriyet

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։