Քեմալականները չեն առաջադրի Գյուլի թեկնածությունը նախագահական ընտրություններում

Քաղաքական11:48, 25 Ապրիլ 2018

Քեմալականները չեն առաջադրի Գյուլի թեկնածությունը նախագահական ընտրություններում

Թուրքիայի նախկին նախագահ Աբդուլլահ Գյուլը ընդդիմադիր քեմալական «Ժողովրդահանրապետական կուսակցության» (ԺՀԿ-CHP) կողմից չի առաջադրվի որպես նախագահի թեկնածու: Արտահերթ նախագահական և խորհրդարանական ընտրությունները տեղի են ունենալու հունիսի 24-ին:

Այդ մասին հայտարարել է CHP-ի խմբակցության ղեկավարի ժամանակավոր պաշտոնակատար Օզգյուր Օզելը «Twitter»-ում:

«Բավական է արդեն: CHP-ի օրակարգում Աբդուլլահ Գյուլի անունը չի եղել, չկա և չի էլ լինելու»,-գրել է ընդդիմադիր կուսակցության անդամը:

Աղբյուրը տեղեկացնում է, որ մոտ ժամանակներս վաղաժամ ընտրությունների հարցով CHP-ի նախագահ Քեմալ Քըլըչդարօղլուն հանդիպելու է Թուրքիայի «İYİ» կուսակցության նախագահ Մերալ Աքշեների հետ։ Քննարկվելու է այն հարցը, թե արդյոք հնարավորություն կա խորհրդարանական ընտրություններին մասնակցել դաշինքով։

Նախկինում քեմալականները հրաժարվել էին Աքշեներին սատարել առաջիկա նախագահական ընտրություններում։ Այդ իսկ պատճառով CHP-ն այժմ բանակցություններ է վարում Թուրքիայի «Saadet» կուսակցության հետ։ Եվ շատ հնարավոր է, որ նախագահական ընտրություններում հենց «Saadet» կուսակցության հետ ներկայանա միասնական թեկնածուով։

Աղբյուր` Sputnik.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։