Թրամփը Էրդողանից պահանջել է, որ ռազմական գործողություններն Աֆրինով սահմանափակվեն

Տարածաշրջան06:09, 25 Հունվար 2018

Թրամփը Էրդողանից պահանջել է, որ ռազմական գործողություններն Աֆրինով սահմանափակվեն

Հունվարի 24-ին Թուրքիայի նախագահ Ռեջեփ Թայիփ Էրդողանի և ԱՄՆ նախագահ Դոնալդ Թրամփի միջև կայացել է հեռախոսազրույց, սիրիական Աֆրին շրջանի շուրջ ստեղծված իրավիճակի մասին:

Հեռախոսազրույցը տեղի է ունեցել Թրամփի նախաձեռնությամբ: Ըստ թուրքական «NTV» հեռուստաալիքի՝ ԱՄՆ-ի և Թուրքիայի նախագահական աղբյուրները նշում են, որ մասնավորապես քննարկվել է Սիրիայում Թուրքիայի կողմից Սիրիայի քրդական ուժերի դեմ հունվարի 20-ին սկսած «Ձիթենու ճյուղ» ռազմական օպերացիան:

Թրամփը խորը մտահոգություն է հայտնել Աֆրինում օրեցօր աճող լարվածության կապակցությամբ: Նա ընդգծել է, որ լարվածությունը թուլացնելու համար Թուրքիայի ռազմական գործողությունները պիտի սահմանափակվեն, հակառակ դեպքում ամերիկյան և թուրքական ուժերի միջև կարող է բախման լուրջ վտանգ առաջանալ: ԱՄՆ-ի նախագահը Էրդողանին կոչ է արել նման երևույթներից խուսափել:

Նա Էրդողանից պահանջել է, որ Թուրքիայում կալանավորված ԱՄՆ-ի քաղաքացիներն ազատ արձակվեն, ինչին Էրդողանն ասել է, որ այդ հարցը հարցով զբաղվում է դատաիրավական համակարգը, այլ ոչ թե ինքը: Թրամփը նաև մտահոգություն է հայտնել Թուրքիայում դեռևս պահպանվող արտակարգ դրության առիթով:

Իր հերթին Էրդողանը պնդել է, որ Թուրքիայի քայլերը Սիրիայում որևէ կերպ չեն հակասում միջազգային իրավունքի չափանիշներին: Էրդողանը հեռախոսազրույցի ժամանակ նորից բարձրացրել է ԱՄՆ-ի կողմից Սիրիայի քրդական ջոկատներին զենքի մատակարարման դադարեցման անհրաժեշտության մասին:

Աղբյուր` Ermenihaber.am

Այս ենթաբաժնի վերջին նորությունները

15:09, 01 հուլ

Թուրքիայում 5 օրում բռնկվել է 342 անտառային հրդեհ

Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։